پانامہ پیپر لیکس کا چرچا تو خوب ہے اور پاکستان میں تو
اس کا شور تھمنے کا نام ہی نہیں لے رہا لیکن وسطی امریکہ کے جس ملک نے یہ
تہلکہ مچایا ہے خود اس کے بارے میں آپ کتنا جانتے ہیں؟ پانامہ صرف ٹیکس فری
بزنس زون ہی نہیں بلکہ اس کے علاوہ بھی بہت سے ایسے حقائق کا مالک ہے جن کے
بارے میں بہت کم لوگ علم رکھتے ہیں- آئیے پانامہ ملک کے حوالے سے چند اہم
باتیں جانتے ہیں:
|
پرکشش مقامات
پانامہ کے خوبصورت اور دلکش مقامات کی سیر کے لیے ہر سال 20 لاکھ سیاح اس
ملک کا سفر کرتے ہیں- یہاں متعدد آبشاریں٬ پہاڑ٬ جھرنے اور جنگلات موجود
ہیں- اس کے علاوہ یونیسکو کی جانب سے پانامہ کے نیشنل پارک کو عالمی ثقافتی
ورثے میں بھی شامل کیا گیا ہے-
|
|
پانامہ نہر
پانامہ میں واقع یہ پانامہ نامی نہر ملکی معیشت کے حوالے سے ایک اہم مقام
رکھتی ہے- اس نہر کا افتتاح 1914 میں کیا گیا اور اس نہر کی مدد بحری جہاز
بحرِ اقیانوس اور بحرِ الکاہل کے درمیان سفر کر سکتے ہیں- اس سے قبل ان
بحری جہازوں کو تقریباً 3 مہینے زائد سفر کرنا پڑتا تھا-
|
|
پانامہ نہر ایک صدی بعد
پانامہ کی معیشت کو ترقی دینے کے لیے گزشتہ 10 سالوں سے پانامہ نہر کی
توسیع کام کیا جارہا ہے جس کے بعد اس راستے سے کنٹینر کی ترسیل کے لیے
استعمال کیے جانے والے بحری جہاز بھی یہاں سے گزر سکیں گے-اس وقت پانامہ کی
کُل آمدنی میں 8 فیصد کردار اس نہر کا ہے-
|
|
ڈیوٹی فری آلبروک شاپنگ مال
یہ شاپنگ مال پانامہ شہر میں واقع ہے اور اسے لاطینی امریکہ کے سب سے شاپنگ
مالز میں سے ایک ہونے کا اعزاز حاصل ہے- اس شاپنگ مال سے بغیر ڈیوٹی ادا
کیے اشیاﺀ کی خریداری ممکن ہے- سیاح اس شاپنگ مال میں خریداری کے لیے ضرور
آتے ہیں-
|
|
بالبوآ ایونیو
یہ اس ملک کی نہ صرف مہنگی ترین سڑک ہے بلکہ پانامہ شہر کا مرکز بھی ہے- اس
سڑک کو سیاحوں کی خصوصی توجہ حاصل ہے- اس علاقے میں امراﺀ رہائش پذیر ہیں
اور اسی وجہ سے یہاں گھر خریدنا عام افراد کے بس کی بات نہیں-
|
|
غربت
اگرچہ اس ملک میں بسنے والے افراد کی اوسط آمدنی ہمسایہ ممالک کے زیادہ ہے
لیکن پھر بھی یہاں کسی حد تک غربت ضرور موجود ہے- اگر آپ پانامہ ملک کے
دارالحکومت پانامہ شہر کا دورہ کریں تو آپ کو جہاں ایک جانب بلند و بالا
عمارات دکھائی دیں گی وہیں ان کے درمیان کچھی بستیاں بھی نظر آئیں گی-
|
|
ایک اور بڑا کارنیوال
کارنیوال دنیا کا سب سے مقبول ترین تہوار ہے اور یہ تہوار پانامہ میں بھی
انتہائی جوش و خروش کے ساتھ منایا جاتا ہے- اس تہوار کے موقع پر پورے ملک
میں مختلف تقاریب کا انعفاد کیا جاتا ہے جس میں لوگوں نے علاقائی لباس زیب
تن کر رکھے ہوتے ہیں- یہ تہوار چار روز تک منایا جاتا ہے- |
|