Aap Hee Kuch Bataiye Hazrat

(hukhan, karachi)

Ajh Kal Marketing Ka Shubah Iss Qadar Teizi Say Kaam Kar Raha Hay Kay Aap 60 Salaa Borhiya Ko Bee 16 Salaa Dulhan Kay Tour Par Biah Saktay Hein Agar Aap Ko Ju Kay Yaqeen Say Kaha Jaa Sakta Hay Har Khas O Aam Ko Kuch Na Kuch Khareedna Hee Parta Hay Kha Wo Washing Powder Hu Ya Jahroo Hu Aap Agar Research Kar Kay Khareedna Chahein Gay Ju Kay Aap Kay Zaheen Or Fateen Hunay Ki Ek Nishaani Hay Pher Samajh Lijiye Aap Ko Kafi Time Lagh Sakta Hay Or Hu Sakta Hay Agar Aap Kay Sar Par Baal Mojudh Hun Tu Aap Un Ko Noch Bee Saktay Hu Humaray Sar Par Chunkay Baal Salamat Hein Iss Liye Hum Jabh Bee Kuch Marketing Research Kartein Hein Tu Sar Par Cap Pehan Laitay Hein Iss Tra Humaray Baaal Nochnay Say Bach Jatay Hein Or Hum Cap Mein Say Sar Nikaal Detay Hein Or Serf Cap Zameen Par Patakh Kar Apni Jhunjhulahat Ka Shoq Pora Kar Laitay Hein Iss Tra Sar Or Baal Dono Bach Jatay Hein.Aap Ko Agar Humaree Baat Samajh Nahi Aa Rahi Tu Hum Samjhaye Detay Hein Farz Kia Aap Ko Ac Laina Hay Aap Electronics Market Janay Kaa Sochein Gay Ye Pehla Step Hay Step 2 Ye Hay Kay Aap Apna Bbudget Dekhein Gay 3rd Step Ye Hay Kay Aap Konsee Electronics Market Jaein Gay Qareed Ya Dour Sasty Ya Mehnghi Ye Faisla Karna Itna Asaan Nahi Hay Pher Aap Commercial Dekhaein Gay Jis Mein Har Company Apni Product Kay Baray Mein Rangh Baraghay Qaseeday Suanye Gee Pher Ye Companies Musalmano Ki Na Hunay Kay Barabar Hein Aap Ko In Kay Jhootay Hunay Kaa Yaqeen Kar Laina Chaiye Chaalein Ubh Sun Lijiye Jasay Hum Ac Ki Koi Company Hun,,,Humara Ac Bijli Na Hunay Kay Barabar Khata Hay ,,,Humaray Ac Ka Compressor Hamesha Zinda Rehnay Walon Mein Say Hay,,Ac Itna Mazboot Hay Jitna America Ka Aaien Hay,,,Humaray Ac Kay Rangh Dekh Kay Mosam Apnay Rangh Badalta Hay,,,Humaray Ac Kaa Rangh Ap Ki Begum Kay Har Suit Say Match Kar Skta Hay Qun Kay Ye Ac Subah Dopher Shaam Rangh Badalta Hay,,Agar Aap Nay Humara Ac Lay Lia Tu Samjh Liye Garmee Aap Kay Ghar Kaa Raasta Bhool Jaye Gee,,Humaray Ac Ki Waja Say Ghar Mein Keeray Makooray Kosoun Dour Rehtay Hein ,,Humaray Ac K Dekh Kay Aap Ki Perosan Jal Kay Kabab Hu Jaye Gi,,Humaray Ac Kay Baad Aap Ka Shohar Ghar Say Baher Qadam Bee Naa Rakhay Ga.Par Lia Aap Nay Agar Hum Chahein Tu Ye Na Khatam Hunay Wala Silsila Mudatun Jaree Reh Skta Hay Magar Aap Ac Ki Pori Jaan Kaari Naa Sun Paein Gay Ubh Aap Soch Lijiye Aap Ko Konsa Ac Laina Hay Ohu Bahi Baal Naa Nochiye Ghar Mein Hath Wala( Hand Fan) Lay Aaiye Na Bijli Ki Zarorat Jabh Hath Thak Jaye Ga Aap Ko Neend Aa Jaye Ge Werna Tu Waqt Kab Kici Kay Kehnay Par Ruka Hay Subah Tu Hu Hee Jaye Gee.

hukhan
About the Author: hukhan Read More Articles by hukhan: 1124 Articles with 1189834 viewsCurrently, no details found about the author. If you are the author of this Article, Please update or create your Profile here.