"یار!سامنے ہجوم دکھائی دے رہا ہے"
فرحان نے جم گھٹے کی طرف اشارہ کیا۔
"چلو جانی! دیکھتے ہیں ۔"
میں نے اپنا تکیہ کلام استعمال کرتے ہوئے کہا۔
"بابا جی ،کیا ہوگیا؟"
ہم نے ایک بزرگ سے پوچھا۔
"بد چلن عورت کا قتل۔ "
"ارے نہیں بدچلن نہیں تھی، "
پاس کھڑے شخص نے کہا،
"کسی لفنگے کو اس کا فون نمبر مل گیا ،
بیہودہ میسج کرتا تھا ،کمینہ ،
کیا حال ہے جانی ،کب ملو گی جانی ،
فون ساس کے ہتھے چڑھ گیا،
شوہر نے بلا تصدیق سینے میں چار گولیاں اُتار دیں۔"
میرے پیروں تلے زمین کھسک رہی تھی۔ |