Sost Nay Humein Zara Saa Bhee
Sust Na Hunay Diya Tha Hum Nay Subah Sawaray Sost Yatraa Kar Dali Subah Ka
Sorajh Jabh Apni Kamzoor See Kirnu Kay Sath Paharun Ki Chotion Say Dar Dar Kay
Jhaank Raha Tha Tu Hum Ye Nzaraa Dekh Rahay Thay Uss Nay Raat Ki Khamoshi Or
Thandh Ko Khatam Karnay Ki Koshishein Shuro Kar Dein Thee Pahaarun Ki Chotion
Par Basera Kartay Badal Kay Tukray Yahan Say Wahan Dournay Lagay Thay Or Ye
Manzar Bahut Hee Dilkash Tha Junn Hi Ek Badal Hut Jata Tu Sorajh Ki Jeet Hu Jaty
Pher Dosra Koi Or Awara Saa Badal Namodaar Huta Or Sorajh Ki Roshni Ko Pechay
Dahkail Deta Yun Pher Sey Sost Ka Mosam Ashiqana Saa Hunay Laghta Ju Siah Subah
Ki Iss Dilkashi Say Waqif Thay Wo Apnay Hotel Or Beds Say Bahut Dourr Thay Koi
Cameray Ki Ankh Ko Iss Masty Kaa Gawah Bana Raha Tha Koi Bas Usay Ghooray Jaa
Raha Tha Jasay Ye Manzar Serf Ussi Kay Liye Tha Or Bas Ussi Ki Malkiyat
Tha,,,Chai Kay Dhwein Or Khusbhu Nay Siahun Ko Apnay Gheray Mein Lay Rakha Tha
Dhuwein Mein Asa Naa Janay Kia Tha Kay Siah Poray Din Ki Awaragardee Ba Asaani
Tarteeb De Laita Tha.Khan Sabh Thand Kuch Kam Hu Tu Naha Lia Jaye Navid Nay Chai
Kay Ghont Ko Galay Say Neechay Utartay Huay Kaha,,,,Hum Bas Hmm Bol Kay Khamosh
Hu Gaye Jasay Humein Uss Kay Nahaa Lainay Ya Na Naha Lainay Sey Koi Dilchasbhi
Naa Hu Wo Samajh Gia Hum Yahan Nahi Shaied Kici Pahaar Ki Chooty Par Mojhudh
Awaraa Say Badal Kay Tukray Par Sawaar Hein Humari Wahan Say Wapsi Anday Ka
Chilkay Ki Utarnay Ki Awaaz Kay Sath Hu Gai Hum Nay Hairat Sey Dekha Kalim Boil
Anda Munh Mein Rakh Kar Apnay Jabhray Say Kici Sarak Kootnay Walay Rooler Kaa
Kaam Lay Rahay Thay ,,,,Khan Sahibh Qasam Say Murghi Kaa Hay Kalim Nay Humaree
Hairat Say Mutasir Huay Begheir Kaha ,,,,Hum Kab Keh Rahay Hein Ye Anda Mughi
Kaa Nahi Sohail Kaa Hay Humaree Baat Par Sohail Nay Etmenaan Say Kursi Par Qamar
Tikaiee Or Kaha Kici Kaa Bhee Hay Iss Kay Munh Mein Anda Bahut Buraa Lagh Raha
Hay Jasay Babra Kay Sath Mustafa Qureshi,,,Wah Wah Navid Nay Sar Par Hath Maar
Kay Apnay Afsoos Mein Asar Paida Kiya(Jaree Hay)