بھوک کے شکار ممالک٬ پاکستان 107 نمبر پر

 

دنیا کے 118 ترقی پذیر ممالک میں بھوک کی صورتحال سے متعلق ترتیب دی گئی فہرست میں پاکستان 107 نمبر پر ہے جب کہ افغانستان کے علاوہ خطے کے دیگر ممالک میں صورتحال پاکستان سے بہتر بتائی گئی ہے۔

وائس آف امریکہ کے مطابق امریکہ میں قائم "انٹرنیشنل فوڈ ریسرچ انسٹیٹیوٹ" کی طرف سے منگل کو "گلوبل ہنگر انڈیکس 2016ء" جاری کیا گیا، جس کے مطابق ترقی پذیر ممالک کو صفر سے 100 کے درمیان پوائنٹس دیتے ہوئے فہرست میں ان کی درجہ بندی کو ظاہر کیا گیا۔
 


انڈیکس کے مطابق پاکستان 33.4 پوائنٹس حاصل کر سکا ہے جو کہ نو سال قبل کی شرح سے کچھ بہتر ہے۔

خطے کے دیگر ممالک میں افغانستان 111، بھارت 97 اور چین 27 نمبر پر ہے۔

انڈیکس میں یہ بتایا گیا کہ عوام کو درپیش خوراک کی کمی اور بھوک کے خاتمے کی موجودہ شرح کے تناظر میں بھارت، پاکستان اور افغانستان دنیا کے ان 45 ممالک میں شامل ہیں جہاں بھوک کی صورتحال 2030ء میں معتدل سے پریشان کن سطح تک پہنچ جائے گا۔

پاکستان کی موجودہ حکومت میں شامل عہدیدار یہ کہتے آئے ہیں کہ غربت و افلاس کے خاتمے کے لیے ملکی معیشت کو بہتر بنانے کے لیے اقدام کیے گئے ہیں جن کے ثمرات معاشرے کے نچلے طبقے کو بھی پہنچیں گے۔

تاہم ناقدین کا کہنا ہے کہ وسائل کی منصفانہ تقسیم ہی سے بڑھتی ہوئی طبقاتی تفریق کو کم کرنے میں مدد مل سکتی ہے۔

غربت کی شرح جانچنے کے لیے ایک نئے فارمولے کے تحت حکومت نے رواں سال کہا تھا کہ پاکستان کی 38.8 فیصد آبادی شدید غربت میں زندگی گزار رہی ہے۔
 


معاشی و سماجی امور کے ماہر عابد سہلری کہتے ہیں کہ بین الاقوامی سطح پر امیر اور غریب طبقے میں بڑھتا ہوا فرق دیکھا جا رہا ہے۔ لیکن پاکستان کی صورتحال کو مدنظر رکھتے ہوئے حکومتی اقدام غربت کی لکیر پر زندگی گزارنے والوں کے معیار زندگی کو تو بہتر بنا سکتے ہیں لیکن شدید بھوک و افلاس کے شکار طبقے کے لیے اسے مزید ٹھوس اقدام کرنے کی ضرورت ہے۔

انٹرنیشنل فوڈ پالیسی ریسرچ انسٹیٹیوٹ نے بھی اپنی رپورٹ میں کہا ہے کہ ملکوں کو بھوک کے خاتمے کے لیے اقدام کی رفتار تیز کرنا ہوگی جس میں حکومتی و نجی اداوں کے علاوہ سماجی شعبے کو بھی اپنا سرمایہ اور وقت صرف کرنا ہوگا۔

Email
Rate it:
Share Comments Post Comments
12 Oct, 2016 Total Views: 2529 Print Article Print
NEXT 
Reviews & Comments
I am totally agree with Iftikhar Khan’s view. There is all propaganda against Pakistan our neighbour countries have more starvation but on the chart they have better listing then Pakistan why?
By: imran shiraz, UAE on Oct, 16 2016
Reply Reply
0 Like
These kinds of pictures should not be part of the biography of pakistan.IF IT IS TRUE AND IT IS IN THE BOUNDRY OF PAKISTAN.RULERS SHOULD BE AWARE THERE PERMANENT SUCCESS IS IN GRAVE DANGER. THERE IS NO 2ND COMING ONLY IN THIS LIFE YOU HAVE TO THINK ABOUT THESE CHILDREN . /?????????
By: IFTIKHAR AHMED KHAN, CALGARY ALBERTA CANADA on Oct, 15 2016
Reply Reply
1 Like
Post your Comments Language:    
Type your Comments / Review in the space below.
Pakistan has been ranked as a country with “serious” hunger level with 22 per cent of its population undernourished on the 2016 Global Hunger Index released Tuesday. Placed 107 in a ranking of 118 developing countries, Pakistan performed worse than most of its South Asian neighbours in eliminating hunger.
MORE ON ARTICLES
MORE ON HAMARIWEB