Ajh Hum Hazrat E Insaan Kay
Liye Wo Khazana Laye Hein Jis Par Baat Kartay Huay Hum Sharminda Sharminda Sa
Feel Kartay Hein Magar Humara Mashwara Hay Koi Bhee Gher Qanooni Kaam Agar
Qanoon Kay Dairay Mein Reh Kar Kiya Jaye Tuu Uss Kay Bahut Sey Side Effects Say
Bacha Jaa Sakta Hay Ek Baat Zehan Nasheen Kar Lijiye Kay Romance Ka Taluq Ap Ki
Age,Weight,Looks,Marital Status,Economical Position Or Jis Society Mein Aap Reh
Rahay Hun Say Bilkul Bhee Nahi Hay Ye Asa Pagal Pan Hay Ju Kici Bhee Time Aap
Par Humlaawar Hu Sakta Hay .Agar Aap Romance Kay Mood Mein Hein Or Ap Aap Ko
Kici Bhee Kisam Ki Koi Skin Disease Bhee Nahi Tu Inn Qawaneen Par Amal Kar Kay
Aap Ek Ye Ek Say Zaied Romance Kay Tanha Malik Ban Saktay Hein Sab Say Pehlay
News Paper Kaa Wo Page Khuliye Jis Mein Aap Ki Waja Amad Tu Kher Nahi Magar Wo
Manhoos Din Hu Ga Jabh Aap Iss Duniya Mein Aye,,,, Pher Ye Hafta Kasa Rahay Ga
Ghor Se Baar Baar Hazaar Baar Pariye Ye Zehan Mein Rahay Ju Sahibh Aap Or Sabh
Kay Haftun Kay Baray Mein Bata Rahay Hutay Hein Unhein Khud Apnay Haftay Itwaar
Kaa Kuch Pata Nahi Huta.Ubh Jabh Aap Nay Apna Hafta Par Lia Or Agar Wo Ap Ko
Pasand Naa Aya Hu Tu Aap Apni Date Of Birth Badal Lijiye Iss Mein Asa Kuch Buraa
Nahi Akhir Logh Patloon ,Dhuty,Topi,Citizenship Bhee Tu Badal Laitay Hein Or Aap
Ki Date Of Birth Aap Ki Bahut Hee Zaaty Cheese Hay Uss Par Serf Aap Kaa Hi Haq
Hay.Pher Aap Nay Achi Tra Say Tayaar Huna Hay Gulabhi Shirt Peely Pent Pehan
Lijiye Agar Aap Kaa Munh Bahut Hee Manhoos Kisam Kaa Hay Tu Kici Say Badal
Lijiye,,Kia Kaha Asa Mumkin Nahi,,,,Chalein Aap Iss Ko Lux Or Wire Brush Say
Khubh Raghraa Lagaiye Jasay Hakoomat Pani Bijli Gas Petrol Mein Qom Ka Lagaa
Rahee Hay Jabh Aap Apna Boseedha Saa Munh Lux Say Dhu Rahay Hun Tuu Iss Baat Kaa
Yaqeen Kar Lijiye Kay Lux Walay Naa Dekh Rahay Hun Werna Wo Aap Par Muqaidma
Bhee Kar Saktay Hein Kay Humara Soap Asay Munh Kay Liye Nahi Bnaya Gia Hay Ubh
Peeli Pent Kay Nechay Neelay Jutay Paon Par Charah Lijiye Or Yaad Say Mozay
Orange Color Kay Hunay Chaiye Gardan Kay Gerd Saaf Say Kalay Rangh Kaa Kapra
Lapait Lijiye Bas Aap Ki Mail Se Bhuree Gardan Or Uss Ki Jhuriaan Nazar Naa Aein
Or Chahray Par Muskarahat Sajhana Naa Bholiye Ga Kha Muskarahat Aap Par Hazaar
Lanat Bhayjhay Aap Nay Kici Bhee Baat Ki Parwah Nahi Karni Dil Mein Thaan Lijiye
16 Sey 60 Tak Ki Massom See Makhlooq Aap Kaa Target Hein Apni Pechlion
Nakaamion,Pitaaion ,Bayization Ko Pas A Pusht Daal Lijiye Balkay Puraani Batoun
Or Yadun Par Miti Daliye.Qawaneen Bahut Zaida Hein Waqt Bahut Kam Hay Layhaza
Pher Kabi Baqiya Qawaaneen Jabh Tak Aap In Ko Hee Yaad Kar Lijiye.