بھول جائیں موبائل٬ صرف انگلی کان پر رکھیں اور بات چیت شروع

 

تصور کریں کہ کسی کال کو سننے کے لیے آپ کو موبائل اٹھانے کی ضرورت نہ پڑے بس آپ کان کو انگلی لگائیں اور فون کرنے والے سے بات چیت شروع کردیں- یقیناً یہ سب آپ کو ناممکن لگ رہا ہوگا لیکن جنوبی کوریا کی ایک کمپنی نے اس ناممکن کو ممکن بنا دیا ہے-
 


جی ہاں Innomdle Lab نامی جنوبی کورین کمپنی نے کلائی پر باندھنے والی ایک ایسی اسمارٹ بیلٹ Signl تیار کی ہے جو آپ کے جسم کے ذریعے آواز کو آپ کی انگلیوں تک پہنچاتی ہے اور آپ صرف کان کو انگلی لگا کر فون کالر سے تمام بات چیت کر سکتے ہیں-

اس بیلٹ کو کسی بھی گھڑی کے ساتھ منسلک کر کے اپنے ہاتھ پر باندھ سکتے ہیں- یہ بیلٹ آپ کے فون سے بلیو ٹوتھ کے ذریعے رابطے میں ہوتی ہے- اس بیلٹ میں ایک مائیکرو فون نصب ہے اور یہ تمام بات چیت بالکل ایسے ہی ہوتی ہے جیسے کہ آپ موبائل فون پر بات کر رہے ہوں-
 


یہ جنوبی کوریا کی کمپنی سال 2015 میں سام سنگ کے تین سابقہ ملازمین نے قائم کی تھی-

کمپنی کا کہنا ہے کہ “ اسمارٹ واچ پر ہونے والی تمام بات چیت اردگرد موجود لوگ سن لیا کرتے تھے جبکہ اکثر لوگ اسمارٹ واچ پہننا پسند بھی نہیں کرتے- لیکن ہماری اس نئی گیجٹ نے ان دونوں مسائل کا حل نکال لیا ہے“-

“ اس بیلٹ کو آپ مرضی کی گھڑی کے ساتھ منسلک کر سکتے ہیں اور اس بیلٹ کے ذریعے آپ کے جسم سے گزر کر انگلیوں کی مدد سے آپ کے کانوں تک پہنچنے والی آواز آپ کے علاوہ کوئی دوسرا شخص نہیں سن سکتا“-
 


کمپنی کی جانب سے امکان ظاہر کیا گیا ہے کہ یہ اسمارٹ بیلٹ فروری 2017 تک مارکیٹ میں متعارف کروا دی جائے گی-
 

Email
Rate it:
Share Comments Post Comments
15 Sep, 2016 Total Views: 6339 Print Article Print
NEXT 
Reviews & Comments
Post your Comments Language:    
Type your Comments / Review in the space below.
Signl is an innovative gadget that allows users to take phone calls by simply touching their ear with their fingertip. It then transmits the sound through the body, essentially turning their hand into a phone.
MORE ON ARTICLES
MORE ON HAMARIWEB