چند ناقابل یقین حقائق اور اعداد و شمار

کیا آپ دنیا کے ایسے مقام کے بارے میں جانتے ہیں جسے سمندر بھی کہا جاتا ہے اور صحرا بھی؟ یا پھر کیا آپ اس بات سے واقف ہیں کہ اگر دنیا میں موجود درختوں کی تعداد کا مقابلہ کہکشاں کے ستاروں سے کیا جائے تو کسے سبقت حاصل ہوتی ہے؟ جی ہاں ایسے ہی متعدد ناقابلِ یقین حقائق اور اعداد و شمار پر مشتمل ہے ہمارا آج کا یہ آرٹیکل جو آپ کو ورطہ حیرت میں مبتلا کرنے کے علاوہ آپ کے علم میں اضافے کا سبب بھی بنے گا-

امریکی بحریہ دنیا کی دوسری بڑی ائیر فورس کی مالک ہے- اپنی سمندری حدود کی حفاظت کرنے والی اس فوج کا فضاؤں پر بھی راج ہے-

عام طور پر سعودی عرب کو ریت اور اونٹوں کے حوالے سے امیر سمجھا جاتا ہے جبکہ حقیقت یہ ہے کہ سعودی عرب خود اپنی ضرورت پوری کرنے کے لیے ریت اور اونٹ آسٹریلیا سے درآمد کرتا ہے-

سوئیڈن٬ سوئٹزر لینڈ اور آسٹریا بھی تیسری دنیا کے ممالک کہلاتے تھے- درحقیقت تیسری دنیا کے ممالک ان ملکوں کو کہا جاتا ہے جن کا اتحاد نہ تو امریکہ ( پہلی دنیا ) سے ہے اور نہ ہی سوویت یونین ( دوسری دنیا ) سے-

میدانِ جنگ میں ہیلمٹ کا استعمال زخمی فوجیوں کی تعداد میں اضافے کی صورت میں نکلا جبکہ اس سے قبل سر پر لگنے والی چوٹوں کا مطلب عام طور پر یقینی موت ہوا کرتا تھا-

شارک مچھلی درختوں سے بھی زیادہ قدیم ہے- شارک کی تاریخ 400 ملین سال پرانی ہے جبکہ درخت 350 ملین سال قدیم ہیں-

آرکٹک ایک ایسا علاقہ ہے جسے بیک وقت سمندر بھی کہا جاتا ہے اور صحرا بھی-

دنیا میں موجود درختوں کی تعداد کہکشاں میں موجود ستاروں سے بھی زیادہ ہے- زمین پر 3 کھرب سے زیادہ درخت موجود ہیں جبکہ ستاروں کی تعداد 100 بلین ہے-

آپ کو یہ جان کر حیرت ہوگی کہ صحرا میں لوگ پانی کی کمی کی وجہ سے کم اور ڈوبنے کی وجہ سے زیادہ مرتے ہیں- ان علاقوں میں پانی کی کمی کی وجہ سے 1 یا 2 افراد کی ہلاکت ہوتی ہے لیکن سیلاب کی وجہ سے اکثر پورا گاؤں ہی ڈوب جاتا ہے-