گزشتہ دنوں میں جاپان میں انگوروں کا ایک گچھا جو کہ 30
انگور کے دانوں کے پر مشتمل تھا 10 ہزار 900 ڈالر میں فروخت کیا گیا ہے
یعنی اس گچھے میں ایک انگور کے دانے کی قیمت 360 ڈالر تھی- لیکن سوال یہ
پیدا ہوتا ہے کہ یہ انگور اتنے مہنگے کیوں فروخت ہوئے؟ آخر ان میں کیا خاص
بات تھی؟
آئیے ہم آپ کو ان بیش قیمت انگوروں کی اصل حقیقت بتاتے ہیں-
|
|
یہ ایک خاص قسم کے انگور ہیں جنہیں روبی رومن کہا جاتا ہے اور یہ سبز کے
بجائے سرخ رنگ کا ہوتا ہے جبکہ اس کے ہر دانے کا وزن کم سے کم 20 گرام ہوتا
ہے- یہ انگور 18 فیصد شوگر پر مشتمل ہوتے ہیں-
یہ انگور اعلیٰ اسٹیٹس کی علامت قرار دیے جاتے ہیں- ان انگوروں کو کسی دکان
کے بجائے نیلامی کے ذریعے فروخت کیا گیا ہے- اس قسم کے انگور سب سے پہلے
جاپان میں 2008 میں پیش کیے گئے تھے-
ان انگوروں کو خریدنے والے Takamaru Konishi کا کہنا ہے کہ “ یہ حقیقی روبی
رومن ہیرے ہیں- اور میں انہیں اپنی دکان پر نمائش کے لیے رکھوں گا“-
|
|
ان انگوروں کو موٹاپے کے خطرات کو کم کرنے اور آنکھوں کی صحت کے لیے مفید
قرار دیا جاتا ہے-
|