وقت تیزی سے بدل رہا ہے٬ ایک وقت تھا کہ جب ہمارے معاشرے
میں بہت سے ایسے قوانین اور اصول موجود تھے جن پر سختی سے عمل کیا جاتا تھا
لیکن اب بمشکل ہی ان پر کوئی عمل کرتا دکھائی دیتا ہے- لیکن کچھ اصول ایسے
بھی ہیں جو ایک بہترین معاشرتی رویے کی عکاسی کرتے ہیں لیکن وہ بھی ترک کیے
جارہے ہیں- ضرورت اس بات کی ہے ان اصولوں کو اپنی زندگیوں میں مضبوطی کے
ساتھ رائج کیا جائے- ان اصولوں کے قائم ہونے سے نہ صرف معاشرے میں ایک
دوسرے کا احساس بڑھے گا بلکہ ایک دوسرے کی مدد کرنے کا جذبہ بھی پیدا ہوگا-
آج ہم چند ایسے ہی اصولوں کا ذکر کر رہے ہیں جنہیں اپنانے کی اشد ضرورت ہے-
|
|
آپ کو چاہیے کہ اپنے کسی ضروری کام کے لیے جب بھی کسی دوست یا عزیز سے گاڑی
لیں تو واپسی پر ضرور گاڑی کا ٹینک پیٹرول سے بھر کر دیں٬ یہ اس کی جانب سے
کی جانے والی مدد کا شکریہ ادا کرنے کا بہترین انداز ہے-
|
|
ایسے مقام پر تمباکو نوشی ہرگز نہ کیجیے جہاں آپ کے اردگرد بیٹھا کوئی شخص
آپ کے اس عمل کی وجہ سے نمایاں بےچینی کا شکار ہو-
|
|
جب آپ کا کوئی دوست یا عزیز آپ کو کھانے کھلائے یا چائے وغیرہ پلائے تو
کوشش کیجیے کہ آپ بھی اس کی اس محبت کا جواب ایک ہفتے کے اندر اندر اسی طرح
اسے کھانا کھلا کر یا چائے پلا کر دیں-
|
|
اگر آپ اپنے کسی گھریلو کام کے لیے کسی دوست وغیرہ کی مدد حاصل کرتے ہیں تو
بطورِ شکریہ اسے لنچ یا ڈنر پر مدعو کیجیے-
|
|
اگر کسی سے کوئی رقم قرضے کے طور پر حاصل کریں تو اسے جلد از جلد ضرور واپس
لوٹائیں٬ چاہے وہ رقم تھوڑی ہو یا پھر بہت- یہ بھی مت سوچیے کہ اسے رقم کی
واپسی کی ضرورت نہیں اور نہ ہی قرض دینے والے کو قرض کی واپسی کا مطالبہ
کرنا پڑے-
|
|
عوامی مقامات پر جھگڑے سے گریز کریں اور ایسی جگہ تلاش کریں جہاں آپ کے
جھگڑے کی وجہ سے کوئی دوسرا متاثر نہ ہو-
|
|
اگر آپ کے لیے کوئی کھانا تیار کرتا ہے تو آپ اسے کچن کی صفائی میں اپنی
مدد کی پیشکش کریں-
|
|
عوامی مقامات پر موبائل فون پر کوئی ویڈیو دیکھتے وقت یا گیم کھیلتے وقت
موبائل فون کی آواز آہستہ کردیں٬ سب سے بہتر یہ ہے کہ ایسے مقامات پر
ہیڈفون کا استعمال کریں-
|
|
موبائل پر آپس میں بات کرتے ہوئے اسپیکر فون کا استعمال نہ کریں سوائے اس
کے کہ کسی وجہ سے آپ موبائل فون کو ہاتھ میں تھامنے کے قابل نہ ہوں-
|
|
عام طور پر کھانے کا آخری لقمہ اس شخص کے لیے چھوڑ دیجیے
جس نے کھانے کی رقم ادا کی ہے٬ اور صرف اسی صورت میں کھائیے جب تک کہ وہ
اصرار نہ کریں کہ اب اس سے اور نہیں کھایا جائے گا-
|
|
اگر آپ کسی شخص کا موبائل فون یا کمپیوٹر استعمال کر رہے
ہیں تو بغیر اجازت اس کے ذاتی فولڈرز وغیرہ کو ہرگز نہ کھولیے-
|
|
اگر آپ کو کوئی کال اٹینڈ نہیں کرسکتے تو لازمی پیغام
چھوڑ دیجیے کہ “ جتنی جلدی ممکن ہوا میں خود آپ کو کال کرلوں گا“ -
|
|
اس بات کو یقینی بنائیں کہ جب بھی کسی لائبریری یا دوست
وغیرہ سے کوئی کتاب مطالعے کے لیے تو اسے واپس اس کے مالک تک بھی پہنچائیں-
|