Frying Pan نامی جھیل نیوزی لینڈ کے علاقے Waimangu میں
واقع ہے اور یہ دنیا کے سب سے بڑے گرم ترین تالابوں میں سے ایک ہے- اس جھیل
کے تیزابی پانی کا درجہ حرارت پورے سال ہی 50 سے 60 ڈگری سینٹی گریڈ رہتا
ہے-
|
|
اس جھیل کی سطح پر بھاپ٬ کاربن ڈائی آکسائیڈ اور ہائیڈروجن سلفائیڈ گیس کے
بلبلے موجود رہتے ہیں- یہ جھیل 1886 میں اس وقت وجود میں آئی جب یہاں
Tarawera نامی آتش فشاں پہاڑ پھٹ گیا اور لاوا بہنے لگا- اس آتش فشاں پہاڑ
کے پھٹنے کی وجہ سے یہاں کئی گڑھے پیدا ہوئے-
اس واقعے میں متعدد قیمتی جغرافیائی نشانیاں تباہ ہوگئیں جن میں مشہور سفید
اور گلابی پتھروں سے بنے ٹیرس بھی شامل تھے لیکن اس کے برعکس یہ وادی متعدد
ہائیڈرو تھرمل اور جیوتھرمل کی خصوصیات سے مالا مال ہوگئی-
یہ جھیل 38 ہزار اسکوائر میٹر تک پھیلی ہوئی ہے جبکہ اس کی گہرائی 6 میٹر
ہے- اس جھیل کے اردگرد سلیکا فارمیشن اور رنگارنگ معدنیات کے وسیع ذخائر
موجود ہیں-
|
|
جھیل کے مشرقی حصے میں بہت بڑے بڑے گڑھے موجود ہیں جو بارش کے پانی اور
زمین سے نکلنے والی گرم پانی سے بھرے ہوئے ہیں اور ایک گرم تالاب کی شکل
اختیار کرچکے ہیں-
|