تصور کریں کہ آپ اپنی گاڑی میں اکیلے کہیں جارہے ہیں اور
آپ کا سفر سینکڑوں میل طویل ہے٬ یقیناً آپ جلد ہی بوریت کا شکار ہوجائیں گے
لیکن اگر جس سڑک پر آپ سفر کر رہے ہوں اس کے اردگرد آپ کو بلند و بالا پہاڑ٬
سرسبز چراہ گاہیں یا شاندار قدرتی نظارے دیکھنے کو ملیں تو آپ کا سفر
انتہائی دلچسپ ثابت ہوگا- جی ہاں پاکستان میں واقعی ایسی کئی خوبصورت سڑکیں
موجود ہیں جن پر سفر کرنا منزل پر پہنچنے سے زیادہ دلچسپ ہوتا ہے- ایسی ہی
چند خوبصورت سڑکوں کا ذکر ہے آج کے ہمارے اس آرٹیکل میں جو کہ پاکستان کے
مختلف سیاحتی مقامات پر واقع ہیں-
|
|
نتھیا گلی سے ایبٹ آباد تک جانے والی یہ خوبصورت سڑک 54 کلومیٹر طویل ہے-
اس سڑک پر سفر کرتے ہوئے آپ کو وقت گزرنے کا پتہ ہی نہیں چلتا کیونکہ اس
پورے سفر کے دوران آپ کے اردگرد بلند و بالا پہاڑ اور ہریالی رہتی ہے جو آپ
کو اپنے سحر میں گرفتار کرلیتی ہے-
|
|
اس پرکشش سڑک کو جلکھڈ روڈ کے نام سے جانا جاتا ہے- ہریالی کے درمیان سے
گزرتی اس سڑک پر آپ کو سفر کے دوران دیوقامت پہاڑ بھی دکھائی دیتے ہیں- یہ
سڑک وادی کاغان سے شروع ہو کر سیدھا سرحد کے علاقے ڈمری میدان سے جاملتی ہے-
|
|
یہ مکران کوسٹل ہائی وے ہے اور اس ہائی وے پر سفر کرنا بھی زندگی بھر کے
لیے ایک خوبصورت یادگار بن جاتا ہے- یہ ہائی وے پاکستان میں موجود بحیرہ
عرب کے ساحل کے ساتھ ملحق ہے اور 653 کلومیٹر طویل ہے-
|
|
یہ شاہراہ گلگت بلستان میں واقع ہے- یہ خوبصورت سڑک شاہراہ قراقرم کا ایک
حصہ ہے جو پاسو کونز سے جا ملتی ہے- اس سڑک پر کیا جانے والا سفر بھی
انتہائی دلچسپ ثابت ہوتا ہے جس کی بنیادی پورے سفر کے دوران اردگرد سے
گزرنے والے پرکشش نظارے ہیں-
|
|
اس سڑک کا تعلق وادی شگر سے ہے- وادی شگر کی یہ سڑک 170 کلومیٹر طویل ہے
اور اسکردو سے اسکولے کے درمیان دریائے شگر کے ساتھ ملحق ہے- اگر آپ
خوبصورت راستوں کے شوقین ہیں تو پھر آپ کو اس سڑک کا سفر ضرور کرنا چاہیے-
|
|
اس سڑک کو گوجال روڈ کے نام سے جانا جاتا ہے اور یہ گلمت گاؤں سے گزرتی ہے-
اس سڑک پر سفر کے دوران آپ کا واسطہ متعدد خوبصورت مناظر سے پڑتا ہے- یہاں
سے گزرتے ہوئے تازہ ہوا کے جھونکے اور بلند پہاڑ آپ کو اپنی جانب متوجہ کیے
رکھتے ہیں-
|
|
مارگلہ پہاڑیوں کے درمیان سے گزرنے والی پیر سوہاوہ نامی یہ سڑک خوبصورتی
میں اپنی مثال آپ ہے- قدرتی نظاروں سے محبت کرنے والوں کے لیے یہ مقام کسی
جنت سے کم نہیں- کیا آپ تصور کرسکتے ہیں جب یہاں ہلکی ہلکی بوندا باندی
ہوتی ہے تو یہ سڑک کتنا حسین منظر پیش کرتی ہوگی؟
|
|
سانپ کی مانند بل کھاتی یہ سڑک آزاد کشمیر کی وادی لیپہ کی ہے- یہاں کی
خوبصورتی اس سڑک کی تصویر سے ہی مکمل طور پر عیاں ہے- اس سڑک پر سفر کے
دوران انسان کو دور دور تک صرف ہرے بھرے درخت اور آنکھوں کو ٹھنڈک پہنچاتی
گھاس دکھائی دیتی ہے-
|
|
یہ وہ منظر جسے لفظوں میں بیان نہیں کیا جاسکتا ہے اور یہ حسین اور دلفریب
نظارہ قراقرم ہائی وے کا ہے- اس ہائی وے کو دنیا کا 8واں عجوبہ بھی قرار
دیا جاتا ہے- یہ ہائی وے چین اور پاکستان کو آپس میں منسلک کرتا ہے- |