کوبرا سانپ ڈس لے تو کیا ہوگا؟ اور اب کیا کریں؟

سانپ کا نام سنتے ہی جسم میں خوف کی ایک لہر دوڑ جاتی ہے اور اگر کہیں اس سے سامنا ہوجائے تو انسان ایسا حواس باختہ ہوتا ہے کہ اسے یہ بھی سمجھ نہیں آتا کہ وہ خود کو اب بچائے کیسے؟

کوبرا سانپ کا شمار دنیا کے سب سے زیادہ خطرناک اور زہریلے سے سانپوں میں ہوتا ہے اور یہ گنجان آباد علاقوں میں پایا جاتا ہے- اس سانپ کا زہر انسانی جسم میں بہت تیزی سے پھیلتا ہے اور اگر فوری طور پر طبی امداد نہ دی جائے تو موت بھی واقع ہوجاتی ہے-
 

طبی امداد:
اگر کسی شخص کو کوبرا سانپ ڈس لے تو طبی عملے کی آمد تک متاثرہ شخص کو ساکت لٹائے رکھیں اور کوشش کیجیے کہ وہ پرسکون رہے٬ ایسا کرنے سے سانپ کا زہر جسم میں پھیلے گا نہیں-

اس کے علاوہ سانپ نے اگر پیر میں کاٹا ہے تو جوتے اتار دیں یا پھر زخم کے اردگرد کسی قسم کی جیولری ہے تو وہ بھی ہٹا دیں- اس کے بعد زخم کو صاف بینڈیج سے ڈھک دیں-

سانپ کا زہر چوسنے کی کوشش کبھی نہ کریں کیونکہ یہ بھی جان لیوا ثابت ہوسکتا ہے- اس کے علاوہ نہ ہی زخم کے اردگرد کوئی پٹی باندھ کر خون کا بہاؤ روکنے کی کوشش کریں- زخم پر پانی بھی نہیں لگانا چاہیے اور نہ ہی متاثرہ شخص کو کوئی دوائی یا جوس وغیرہ دینا چاہیے-