|
یقیناً دل کا دھڑکنا ہی زندگی کی علامت سمجھا جاتا ہے
لیکن کیا آپ اس بات پر یقین کریں گے کہ دنیا میں ایک ایسا شخص موجود ہے جو
ڈیڑھ سال کا عرصہ بغیر دل کے گزار چکا ہے اور اب بھی زندہ ہے؟
جی ہاں امریکہ سے تعلق رکھنے والے 25 سالہ نوجوان اسٹان لارکن کو تقریباً
24 سال کی عمر دل کے مختلف مسائل کا سامنا کرنا پڑا جس کے بعد ڈاکٹروں نے
اسے اگلے ڈیڑھ سال کے لیے مصنوعی دل لگا دیا-
|
|
|
تاہم اب اس نوجوان کو ٹرانسپلانٹ کے بعد ایک صحت مند دل لگا دیا گیا اور یہ
ایک صحت مند زندگی گزار رہا ہے لیکن مصنوعی دل کے ساتھ گزارے جانے والے 18
ماہ بھی اسٹان لارکن کی زندگی کا دلچسپ تجربہ ہیں-
یہ نوجوان اپنے مصنوعی دل کے ساتھ بھی روزمرہ کے تمام امور بخوبی انجام
دیتا رہا- یہاں تک کہ یہ مصنوعی دل اس حد تک طاقتور تھا کہ اسٹان نے باسکٹ
بال کھیلنے کا شوق بھی پورا کیا اور اس میں اسے کسی قسم کی دشواری کا سامنا
بھی نہ کرنا پڑا-
اس مکینیکل مصنوعی دل میں 2 ٹیوبز نصب تھی جن کا کام ہوا پمپ کرنا اور مکمل
جسم کو خون فراہم کرنا تھا-
ایک بیرونی ڈیوائس سے منسلک یہ ٹیوبز اسٹان کے معدے سے منسلک تھیں اور وہ
انہیں بیک پیک کی صورت میں پر جگہ اپنے ساتھ رکھتا تھا-
|
|
|
|
واضح رہے کہ اب تک ہزاروں مریضوں کو ایسے مکینیکل دل لگا کر ان کی زندگیاں
بچائی جاچکی ہیں اور ان میں سے بیشتر مریض ہارٹ ٹرانسپلانٹ کے منتظر ہیں-
|