ارجنٹینا کا نام سنتے ہی سب سے پہلے وہاں کی کامیاب ترین
فٹبال ٹیم کا خیال آتا ہے یا اس ملک کے مقبول فٹبالر میرا ڈونا کا- لیکن اس
ملک کی پہچان صرف ان دو حوالوں تک ہی محدود نہیں بلکہ ارجنٹینا کئی ایسے
دلچسپ حقائق کا بھی مالک ہے جن سے دنیا کا ایک بڑا طبقہ ناواقف ہے- ایسے ہی
چند حقائق کا ذکر ہے ہمارے آج کے اس آرٹیکل میں جنہیں پڑھ کر ضرور آپ کی
معلومات میں اضافہ ہوگا-
|
|
20 ویں صدی کا ایک وقت ایسا بھی تھا جب ارجنٹینا دنیا کا دسواں امیر ترین
ملک تھا لیکن آج یہ 54 نمبر پر ہے اور اس تنزلی کی وجہ ملک میں پایا جانے
والا عدم استحکام بنا-
|
|
ارجنٹینا دنیا کو وہ ملک ہے جہاں سب سے زیادہ ماہر نفسیات پائے جاتے ہیں-
|
|
چی گویرا درحقیقت ارجنٹینا کا ایک میڈیکل کا طالب علم تھا-
|
|
ارجنٹینا لاطینی لفظ Argentum سے لیا گیا ہے جس کے معنی چاندی کے ہیں-
|
|
1974 سے 1983 کے درمیان ارجنٹینا کے 30 ہزار باشندے لاپتہ ہوئے اور یہ
آمریت کا دور تھا-
|
|
سال 2001 میں ارجنٹینا میں صرف 10 دنوں کے دوران 5 افراد صدر کے عہدے پر
فائز رہے-
|
|
ارجنٹینا کے شہریوں کو دوسرے ممالک کے سفر کے لیے ڈالر کی خریداری سے قبل
حکومت کو ایک درخواست دینا پڑتی ہے جس میں وضاحت کرنا ہوتی ہے کہ وہ کہاں٬
کب اور کیوں جارہے ہیں-
|
|
اس ملک میں ریڈیو پروگرام سننے کا رواج دیگر ممالک کے مقابلے میں سب سے
زیادہ ہے- اوسطاً ایک شہری ایک ہفتے میں تقریباً 20 گھنٹے ریڈیو کی نشریات
سے لطف اندوز ہوتا ہے-
|
|
1818 میں ارجنٹینا کے ایک بحری قزاق Hippolyte Bouchard
نے کیلیفورنیا کے علاقے مونٹریری پر حملہ کیا اور کامیابی کے ساتھ اس جگہ
ارجنٹینا کا جھنڈا بلند کردیا-
|
|
ایشیا سے باہر کی دنیا میں بلند ترین پہاڑ
Aconcagua ہے جس کی بلندی تقریباً 6959 میٹر ہے-
|
|
17 قوموں کے ساتھ ساتھ ارجنٹینا دنیا کے سب سے
زیادہ متنوع ممالک میں سے ایک ہے جس کی وجہ یہاں پائے جانے والے مختلف
موسم اور علاقائی خطے ہیں-
|
|
ارجنٹینا کو جنوبی امریکہ کا سب سے بڑا ریلوے سسٹم
رکھنے کا اعزاز بھی حاصل ہے-
|
|
CONAE ارجنٹینا کی ایک مقبول ترین خلائی ایجنسی ہے-
|
|
ارجنٹینا جنوبی امریکہ کا وہ مقام ہے جہاں سب سے
زیادہ سیاح آتے ہیں- سال 2013 کے اعداد و شمار کے مطابق 5.57 ملین سیاح
آئے- |