|
مہنگے زمانے میں سستی اشیاﺀ کا دستیاب ہونا کوئی معمولی
بات نہیں- پاکستان میں ایسا ہونا تو تقریباً ناممکن ہے لیکن پڑوسی ملک چین
نے حال ہی میں سستی ترین گاڑی متعارف کروا کر دنیا بھر میں دھوم مچا دی ہے-
|
|
|
چینی کار ساز کمپنی Zotye آٹو موبائل کے ماہرین نے انتھک محنت کے بعد
Jaingnan TT نامی ایک ایسی گاڑی متعارف کروائی ہے جو دیکھنے میں بالکل
سوزوکی مہران کی مانند دکھائی دیتی ہے لیکن اس کی قیمت بہت زیادہ کم ہے- اس
گاڑی کی کُل قیمت پاکستانی کرنسی میں صرف ڈھائی لاکھ روپے بنتی ہے-
|
|
|
|
پاکستانی سوزوکی مہران سے بخوبی واقف ہیں- شاید ہی کوئی ایسا ہو جس نے یہ
گاڑی نہ چلائی ہو یا اس کی خصوصیات سے واقف نہ ہو- مگر چین کی Jaingnan TT
خصوصیات کے اعتبار سے کئی زیادہ زبردست ہے-
|
|
|
Jaingnan TT کی تکنیکی خصوصیات:
جیانگ نان TT میں 3- سلینڈر 800cc کا انجن نصب ہے جو کہ 36 ہارس پاور کی
طاقت فراہم کرنے کی صلاحیت رکھتا ہے۔ یہ 4-اسپیڈ مینوئل گیئر باکس کی حامل
مہران سے صرف 3 ہارس پاور کم ہے۔ اس چینی گاڑی میں ایئرکنڈیشنر، اے بی ایس
اور پاور ونڈوز جیسی خصوصیات بھی موجود ہیں جو دگنی، تگنی قیمت پر فروخت
ہونے والی مہران میں موجود نہیں-
|
|
|
جیانگ نان TT کی قیمت سوزوکی مہران سے کم
کیوں؟
جیانگ نان TT اور سوزوکی مہران کی قیمتوں کا موازنہ کرتے ہوئے اس بات کو
سمجھنا ضروری ہے کہ چین اور پاکستان میں گاڑیوں کی مارکیٹ کا حال ایک دوسرے
کے مترادف ہے- چین میں KEI کی کئی گاڑیاں دستیاب ہیں جس کی وجہ سے جیانگ
نان TT کی قیمت کم رکھنا ضروری ہے جبکہ پاکستان میں اس زمرے میں گنتی کی
گاڑیاں دستیاب ہیں اس لیے مقابلہ نہ ہونے کی وجہ سے سوزوکی مہران من مانی
قیمت پر فروخت کی جاتی ہے- |