|
علی بابا گروپ کی پروڈکٹ یوسی براؤزر اپنے ماہانہ 400
ملین فعال صارفین کے نئے سنگ میل کے چھونے کے ساتھ ہی ایشیاﺀ کا نمبر ون
موبائل براؤزر بن گیا ہے- یہ اعداد و شمار ویب ٹریفک کے تجزیاتی سروس کے
ادارے سٹیٹ کاؤنٹر نے شائع کیے ہیں-
|
|
|
یوسی براؤزر ایشیائی مارکیٹ کا ایک ابھرتا ہوا براؤزر ہے اور عالمی پیمانے
پر موبائل انٹرنیٹ فراہم کرنے کے حوالے سے انتہائی پرعزم ہے- یوسی براؤزر
گوگل کروم کے بعد دنیا کا دوسرا بڑا ویب براؤزر بھی ہے-
سٹیٹ کاؤنٹر کے مطابق یوسی براؤزر پی وی مارکیٹ میں 30 فیصد سے زیادہ شئیر
رکھتا ہے جو کہ گوگل کروم پیچھے چھوڑ کر حاصل کیے گئے ہیں-
علی بابا موبائل بزنس گروپ کے گلوبل مارکیٹ کے جنرل منیجر Kenny Ye کا
صارفین کی تعداد میں تیزی کے ساتھ ہونے والے اس اضافے پر انتہائی خوشی کا
اظہار کرتے ہوئے کہنا تھا کہ “ فعال صارفین کی تعداد میں یہ اضافہ ہمارے
مقصد کی توثیق ہے اور ہمارا مقصد دنیا بھر میں ہر کسی کو انٹرنیٹ معیاری
اور آسان رسائی فراہم کرنا ہے- ہم انٹرنیٹ کی شاندار دنیا کے لاکھوں صارفین
کے لیے مقامی مواد کو منظم کر کے پیش کر رہے ہیں“-
اضافی آن لائن مواد کی بڑھتی ہوئی مانگ کے پیشِ نظر اب یوسی براؤزر زیادہ
سے زیادہ معلومات فراہم کررہا ہے اور خود کو ایک آلے سے جامع مواد کے ذخیرے
کے طور پر تبدیل کر رہا ہے- یو سی براؤزر کی اپ گریڈیشن کے بعد اب لوگ
مقامی مواد کو انتہائی پرکشش اور دلچسپ انداز میں ڈیجیٹل مواد کے طور پر
استعمال کر سکیں گے- یوسی براؤزر نے حال ہی میں ایشیائی مارکیٹ جیسے
پاکستان٬ بھارت اور بنگلہ دیش کے لیے یو سی کرکٹ کے نام سے بھی ایک فیچر
متعارف کروایا تھا جسے بہت سراہا گیا- متعدد مقامی صارفین نے یوسی کرکٹ کے
ذریعے لائیو اسکور اور میچ کی جھلکیوں سے لطف اٹھایا-
|
|
|
|
عالمی ڈیجیٹل مواد کی ڈیمانڈ میں اضافے کو دیکھتے ہوئے یوسی براؤزر اپنے
حریفوں کے مقابلے میں ان رجحانات کے حوالے سے ایک اہم اور بڑا کردار ادا
کررہا ہے- اور یہ اپنی خدمات صرف ایک موبائل گیٹ وے کے طور پر نہیں بلکہ
جامع مواد رکھنے والے کے طور پر پیش کر رہا ہے- اعداد وشمار کی بڑھتی ہوئی
تعداد سے واضح ہوتا ہے کہ ڈیجیٹل مواد نے روایتی میڈیا پر سبقت حاصل کرلی
ہے- ایک تحقیق کے مطابق 37 میں سے 27 ممالک کے افراد دن کا زیادہ تر حصہ آن
لائن گزارتے ہیں اور معلومات کے حصول کے لیے اخبارات یا ٹی وی کے مقابلے
میں انٹرنیٹ کو ترجیح دیتے ہیں-
|