میرے نئے ناول سے دو اقتباسات ۔۔۔۔۔
دستک کی آواز پر وہ چونک اٹھا
اففف ۔۔۔۔۔ اس وقت کون آگیا بھئی ۔۔۔
وہ دل میں سوچتا ہوا چارپائی سے اٹھ بیٹھا ۔۔۔۔۔۔۔ دوپہر کے ڈھائی بج رہے
تھے ۔۔۔۔ شدید گرمی اور بجلی بھی دو گھنٹے سے غائب تھی ۔۔۔۔۔ اسے ایک اتوار
کا دن ہی تو ملتا تھا گھر میں گزارنے کے لئے ۔۔۔۔ اور وہ سارا دن سو کر
گزارتا تھا ۔۔۔۔۔ یہی اس کی عیاشی ہوتی تھی ۔۔۔۔۔ لیکن آج کا دن ہی اس کے
لئے منحوص ثابت ہوا تھا ۔۔۔۔ صبح دودھ لینے نکلا تو جیب کٹ گئی ۔۔۔۔۔
اکلوتے پانچسو روپے جیب کترے کی نظر ہوگئے ۔۔۔۔ اور راستے میں اکلوتا جوتا
بھی ٹوٹ گیا ۔۔۔۔ وہ دل میں چور کے ساتھ اپنی اکلوتے جوتے کو بھی کوستا ہوا
گھر میں داخل ہوا تھا ۔۔۔۔۔ اور دودھ کے بغیر ہی کالی کلوٹی چائے زہر مار
کی تھی ۔۔۔۔۔۔ اور باسی روٹی کھا کر ۔۔۔ پھر لیٹا تو دستک کی آواز پر ہی
آنکھ کھلی تھی ۔۔۔۔ جمائی لیتا ۔۔۔۔ برے برے منہ بناتاوہ اٹھ کر دروازے پر
آکر رک گیا ۔۔۔
کون ہے بھائی ۔۔۔۔
ابے دلاور کھول دروازہ ۔۔۔۔۔
مانوس بھدی آواز سن کر دروازہ کھولا تو شیدا جلدی سےاندر گھس گیا ۔۔
اوئے شیدے تو اس وقت ۔۔۔۔۔ یار موقع دیکھ کر آیا کرنا ۔۔
کیوں کیا تیری جورو سورہی ہے اندر جو اس طرح بول رہا ہے ۔۔۔۔
وہ پیلے دانتوں کی نمائش کرتا ہوا بولا ۔۔۔
××××××××××××××××××××
چل بھیا ادھر ہی روک دے اپنی پھٹ پھٹی ۔۔۔
نئے چن چی رکشہ کو تم اماں پھٹ پھٹی کہہ رہی ہو ۔۔۔
ارے اجاڑ صورت نکمے کہینکے ۔۔۔ پھٹ پھٹی نہ بولوں تو اور کیا بولوں اسے ۔۔۔
سارا راستہ کمبخت پھٹے ڈھول کی طرح بجتا رہا ۔۔۔۔ سر میں درد کر کے رکھ دیا
۔۔۔ اب خاباں (خواب) میں بھی مسلسل تیری پھٹ پھٹی بجتی رہے گی ۔۔۔۔
اس کی سیاہی مائل گردن پر ایک ہاتھ جڑتے ہوئے بولیں تھیں ۔۔۔۔۔۔
اماں یا تو اردو بولو یا پھر حیدراآبادی ۔۔۔ یہ بیچ ادھر کیوں زبان لٹکی
رہتی ہے تمہاری ۔۔۔ |