سحر انگیز اور دلکش نظاروں کے مالک نیشنل پارک

نیشنل پارک قدرتی طور پر خوبصورت اور پرکشش ہوتے ہیں- دنیا کے بہت سے پرکشش اور سحرانگیز نظاروں کے حامل مقامات کو وہاں موجود خوبصورتی کے تحفظ کے باعث پارک قرار دیا گیا ہے- دلچسپ بات یہ ہے کہ یہی خوبصورتی ان پارکس کو حیرت انگیز بھی بناتی ہے- آج ہم دنیا کے چند سب سے خوبصورت ترین نیشنل پارکس پر بات کریں گے-
 

image
اٹلی کے اس نیشنل پارک کو Cinque Terre کے نام سے جانا جاتا ہے- یہاں خوبصورت ساحل٬ حیرت انگیز بلند و بالا چوٹیاں اور چھوٹے گاؤں پائے جاتے ہیں- غرض اس نیشنل پارک میں آپ کو ہر وہ چیز ملے گی جو آپ دیکھنا چاہتے ہیں-
 
image
وینزویلا 300 جزیروں پر مشتمل ملک ہے اور ان جزیروں میں اکثر دنیا کے خوبصورت ترین جزیرے شامل ہیں- انہی میں سے ایک یہ بھی ہے جسے Los Roques Archipelago کہا جاتا ہے-
 
image
نیوزی لینڈ کا یہ Fiordland نامی نیشنل پارک خوبصورت قدرتی نظاروں٬ پہاڑی چوٹیوں اور گلیشیرز کی وجہ سے دنیا بھر میں مقبول ہے اور یہاں کی سیر آپ کو کسی صورت مایوس نہ ہونے دے گی-
 
image
کروشیا کے اس Plitvice Lakes نیشنل پارک میں آپ کو ہر طرف نیلے پانی کی جھیلیں اور سحر انگیز نظاروں کے حامل آبشار دکھائی دیں گے-
 
image
یہ بھی وینزویلا کا ایک خوبصورت نیشنل پارک ہے جسے Canaima کہا جاتا ہے- یہاں دنیا کا بلند ترین آبشار موجود ہے جسے اینجل فالز کے نام سے جانا جاتا ہے-
 
image
یہ افریقہ کا سب سے مشہور نیشنل پارک ہے جسے Serengeti کے نام سے جانا جاتا ہے- یہ پارک تنزانیہ میں واقع ہے اور اپنے جانوروں کی ہجرت کے حوالے سے خاص طور پر مقبول ہے-
 
image
ناروے کے اس Jostedalsbreen نامی نیشنل پارک میں چوٹیوں کے درمیان موجود حیرت انگیز جھیلیں اور ناقابلِ فراموش آبشار دیکھنے کو ملتے ہیں- اس کے علاوہ متعدد خوبصورت قدرتی نظارے بھی آپ کے آس پاس موجود ہوتے ہیں-
 
image
یہ امریکہ سب سے مقبول ترین نیشنل پارک ہے اور اس کی مقبولیت کی وجہ اس نیشنل پارک کے دلفریب نظارے ہیں- اس نیشنل پارک کو گرینڈ کینن کہا جاتا ہے-
 
image
کینیڈا کا جیسپر نیشنل پارک انتہائی حسین اور دلکش نظاروں کا مالک ہے- یہاں کے چٹانی پہاڑ اور پارک کی سرحدوں کے ساتھ موجود جنگلی حیات لوگوں کو ضرور اپنی جانب متوجہ کرتے ہیں- اور یہ دنیا کے بہترین مقامات میں سے ایک ہے-
 

image

 چلی کے اس نیشنل پارک میں خوبصورت چوٹیوں کا غلبہ ہے جو کہ اکثر دھند میں چھپی رہتی ہیں- Torres del Paine نامی اس نیشنل پارک میں ایسے حسین و جمیل قدرتی نظارے دیکھنے کو ملتے ہیں جو شاید ہی کسی اور مقام پر دکھائی دیں-
 

image

ممکن ہے کہ تصویر دیکھنے پر آپ کو ایسا لگے کہ یہ شاید کوئی پینٹنگ ہے لیکن نمب کے Namib-Naukluft نیشنل پارک کا ایک حقیقی منظر ہے- یہ نیشنل پارک اپنے منفرد رنگ کے ریت کے ٹیلوں کی بدولت دنیا بھر میں مقبول ہے-
 

image

چین کے اس نیشنل پارک کا شمار دنیا کے ایسے مقامات میں کیا ہے جہاں دکھائی دینے والے دلفریب نظاروں کا تصور صرف خواب میں ہی ممکن ہوتا ہے- Li نامی یہ دریا بلند ترین چوٹیوں اور ایک چھوٹے سے گاؤں کے درمیان گھرا ہوا ہے-
 

image

آسٹریلیا کے اس سمندری مرجان یا سد مرجان کو دنیا کے سب سے بڑے حیات اسٹرکچر ہونے کا اعزاز حاصل ہے جسے خلا سے بھی دیکھا جاسکتا ہے-
 

image

یہ تنزانیہ کا Kilimanjaro نامی نیشنل پارک ہے جہاں افریقہ کا بلند ترین پہاڑ موجود ہے- اس نیشنل پارک میں جنگلی حیات سے وابستہ دنیا کے سب سے حیرت انگیز نظارے دیکھنے کو ملتے ہیں-
 

image

ارجنٹینا میں واقع Los Glaciares نامی اس خوبصورت نیشنل پارک میں آپ کو چاروں طرف صرف برف ہی برف دکھائی دے گی اور یہی وجہ ہے کہ اسے گلیشیر نیشنل پارک کہا جاتا ہے-
 

YOU MAY ALSO LIKE:

From the beaches of Mexico to the peaks of New Zealand, national parks give us a way to escape from the daily grind. These are the some most incredible national parks on Earth!