پوتے کا آخری وقت٬ جہاز کا رخ موڑ دیا گیا

ایک مسافر طیارے کے پائلٹ نے ایک خبر سنتے ہی عین اس وقت طیارے کو روک دیا جب وہ رن وے سے دوڑتا ہوا فضا میں بلند ہونے ہی والا تھا- یہ خبر درحقیقت طیارے میں سوار ایک معمر جوڑے کے لیے پیغام تھا کہ ان کا پوتا اسپتال میں آخری سانسیں لے رہا ہے-

یہ واقعہ مانچسٹر میں پیش آیا جہاں رن وے پر گامزن طیارے کے پائلٹ کو یہ خبر دی گئی جس پر رحمدل پائلٹ نے طیارہ روک کر اس جوڑے کو پوتے سے ملنے کا موقع فراہم کیا-

اتحاد ائیر ویز کے طیارے میں سوار یہ معمر جوڑا آسٹریلیا جا رہا تھا جب انہیں اطلاع دی گئی ان کے پوتے کی حالت تشویشناک ہے اور اسپتال میں اپنی آخری سانسیں لے رہا ہے-

یہ اطلاع جب جہاز کے پائلٹ تک پہنچی اس نے طیارے کا رخ واپس موڑ لیا اور اس معمر جوڑے کو جہاز سے اتار کر ان کا سامان بھی ان کے حوالے کردیا تاکہ وہ اپنی پوتے سے آخری ملاقات کر سکے-

اس معمر جوڑے نے جہاز کے عملے اور پائلٹ کی تعریف کرتے ہوئے کہا کہ ’وہ ان کے بےحد شکر گزار ہیں کہ عملے نے ان سے بھرپور تعاون کیا اور ان کا ہر طرح سے خیال رکھا۔‘