سائنس سب کے لیے یکساں ضروری ہے- حقیقت میں پیش آنے والی
ہر بات کا تعلق سائنس سے جڑتا ہے- یہاں اس بات کو سمجھنا ضروری ہے کہ سائنس
حقائق پر مبنی کوئی کتاب نہیں ہے بلکہ یہ ایک ایسا عمل ہے جس کی مدد سے ہم
دنیا کے بارے میں اہم معلومات سے آشنا ہوتے ہیں- سائنس ہر اس چیز کے متعلق
ہے جس پر ہم جانچ پڑتال اور مشاہدہ کرسکتے ہیں- اس آرٹیکل کے ذریعے ہم آپ
کو سائنس سے متعلق چند اہم باتوں سے آگاہ کریں گے-
|
سائنس بدلتی ہے:
ہر وہ چیز جس کے بارے میں ہم بچپن سے سنتے آرہے ہیں کہ وہ سچ ہے ضروری نہیں
کہ مرتے دم تو وہی ویسی ہی ہو! سائنس کی سب سے خاص بات یہ ہے کہ اس میں وقت
کے ساتھ ساتھ تبدیلیاں آتی ہیں جس کے ذریعے ہم اس کائنات کے بارے میں مزید
اہم باتوں سے واقف ہوتے رہتے ہیں- |
|
ہر قدرتی چیز صحت بخش نہیں ہوتی:
یہ ایک انتہائی اہم نکتہ ہے٬ قدرتی طور پر دنیا میں بےشمار چیزیں موجود ہیں
مگر یہ ضروری نہیں کہ وہ سب صحت کے لیے مفید بھی ہوں- مثال کے طور پر
پوٹاشیم سانائیڈ جو قدرتی ضرور ہے لیکن قطعاً صحت بخش نہیں ہے-
|
|
جراثیم ہر جگہ موجود ہوتے ہیں:
اگر آپ کے جسم کا ایک ایک خلیہ بھی ایک ووٹ دے تب بھی آپ کے جسم میں موجود
جراثیم 90 فیصد برتری حاصل کرلیں گے- خلیوں کے اعداد و شمار کے مطابق ہمارے
جسم میں پائے جانے والے جراثیمی خلیے انسانی خلیوں سے کہیں زیادہ ہوتے ہیں-
|
|
آپ 100 فیصد دماغ استعمال کرتے ہیں:
عام طور پر یہ تاثر پایا جاتا ہے کہ انسان اپنا مکمل دماغ استعمال نہیں
کرتا لیکن یہ درست نہیں ہے کیونکہ آپ ویسے تو اپنا دماغ کا 100 فیصد حصہ
استعمال کرتے ہیں- لیکن فرق صرف اتنا ہے کہ آپ ایک وقت پر پورا دماغ
استعمال نہیں کرتے-
|
|
موبائل فون آپ کی جان نہیں لے گا:
ہم آج تک سنتے آئے ہیں کہ موبائل سے ایسی شعائیں خارج ہوتی ہیں جو انسان کے
لیے نقصان دہ ہوتی ہیں- بلاشبہ اس میں کوئی شک نہیں کہ آپ کا موبائل فون
تابکاری پیدا کرتا ہے لیکن ایسی ہی تابکاری ہم انسانوں میں بھی موجود ہوتی
ہے- لہٰذا موبائل فون آپ کے لیے جان لیوا ثابت نہیں ہوتا-
|
|
سائنس ایک عمل ہے:
سائنس کوئی حقائق کا مجموعہ نہیں ہے بلکہ یہ ایک ایسا عمل ہے جو مختلف
خیالات کے مرہونِ منت ہیں- اور اسی وجہ سے سائنسی علم میں مستقل تبدیلیاں
آتی رہتی ہیں-
|
|
ڈی این اے:
زمین پر موجود ہر جاندار بھی یہ خاصیت ہے کہ وہ اپنے بارے میں خود معلومات
حاصل کرلیتا ہے اور یہ معلومات ڈی این اے کی مدد سے دوسروں تک پہنچتی ہے-
|
|
ہماری یادداشت نامکمل ہوتی ہے:
کیا آپ جانتے ہیں کہ ہماری یادداشت اکثر غلط ثابت ہوتی ہے- ایک حالیہ رپورٹ
کے مطابق کئی ایسی تحریکیں موجود ہیں جن کا مقصد عدالتوں میں موجود عینی
شاہدین کے گواہیوں پر مبنی معاملات کو کم کرنا ہوتا ہے- سچ تو یہ ہے کہ آپ
خود سے کوئی بھی بات صحیح طرح یاد نہیں رکھ پاتے- آپ کو صرف وہی باتیں یاد
رہتی ہیں جو کسی بھی معاملے کے آخر پر آپ کی نظر سے گزری ہوتی ہیں- اور جب
آپ ذہن پر زور دے کر ان کو یاد کرنے کی کوشش کرتے ہیں تو کچھ باتیں ان میں
سے بھول جاتے ہیں اور کچھ اضافہ کردیتے ہیں- |
|
جی ایم اوز:
ہم جو غذائیں کھاتے ہیں ان میں سے زیادہ تر غذائیں (تمام نہیں ) جینیاتی
ترمیم کے ایک خاص مرحلے سے گزر کر پہنچتی ہیں اور GMOs کے نام سے پکارا
جاتا ہے- گزشتہ چند دہائیوں کے دوران لاکھوں افراد صرف اس وجہ سے اپنی جان
سے ہاتھ دھو بیٹھے کہ انہوں نے جو غذائیں استعمال کیں وہ اس پراسس نہیں
گزری تھیں- |
|