|
شرمین عبید چنائے دوسری بار آسکر ایوارڈ جیتنے والی پہلی
پاکستانی بن گئیں- اتوار کو لاس اینجلس کے ڈولبی تھیٹر میں 88ویں اکیڈمی
ایوارڈ 2016 کی رنگارنگ تقریب کا انعقاد کیا گیا- اس تقریب میں سال 2015 کی
بہترین فلموں کو اعزازات سے نوازا گیا-
|
|
|
|
شرمین عبید نے یہ ایوارڈ Best Documentary Short Subject کی کیٹیگری میں “
A Girl in the River “ کے لیے جیتا- یہ دستاویزی فلم پاکستان میں غیرت کے
نام پر ہونے والے قتل کے واقعات کے موضوع پر مبنی ہے- یہ ایک ایسی لڑکی کی
کہانی ہے جس کو غیرت کے نام پر اس کے اپنے گھر والے تشدد کا نشانہ بنا کر
دریا میں پھینک دیتے ہیں-
ایوارڈ وصول کرتے ہوئے شرمین عبید کا کہنا تھا کہ “ یہ میرا دوسرا ایوارڈ
ہے- اسی ہفتے پاکستان کے وزیراعظم نے اس ڈاکیومینٹری کو دیکھ کر غیرت کے
نام پر قتل کرنے کے حوالے سے موجودہ قانون میں تبدیلی کا عندیہ بھی دیا ہے٬
اور یہ ہوتی ہے فلم کی طاقت “-
|
|
|
|
شرمین نے اپنی خوشی کا اظہار فیس بک پوسٹ کے ذریعے کچھ اس طرح کیا “
پاکستان - ہم نے اپنا دوسرا آسکر جیت لیا “-
شرمین عید چنائے نے 2012 میں اپنا پہلا آسکر ایوارڈ “ سیونگ فیس “ کے لیے
جیتا تھا- یہ پاکستان کا پہلا آسکر ایوارڈ تھا-
دنیا بھر سے ٹوئٹر کے ذریعے شرمین کی اس کامیابی کو خوب سراہا گیا:
|
|
|