آپ کو یہ جان کر ضرور حیرت ہوگی مصر کے صدر کو آن لائن
شاپنگ کی معروف ویب سائٹ ای بے پر ' فروخت' کے لیے پیش کر دیا گیا۔ دلچسپ
بات یہ ہے کہ مصری صدر کی ایک لاکھ سے زائد ڈالر کی بولی بھی لگائی جا چکی
ہے-
|
|
درحقیقت یہ مذاق ایک ای بے صارف کی جانب سے کیا گیا ہے جو کہ مصری صدر
عبدالفتح السیسی کے اس بیان کا ردِ عمل ہے جس میں انہوں نے کہا تھا کہ “
ملکی معیشت کو بہتر بنانے کے لیے اگر مجھے خود کو فروخت بھی کرنا پڑا تو
میں پیچھے نہیں ہٹوں گا“۔
مصری صدر کے اس بیان کے بعد ایک ای بے صارف نے ایک تفریحی پیج تخلیق کر کے
اس پر مصری صدر کو فروخت کے لیے پیش کردیا- یہی نہیں بلکہ دوسری جانب
صارفین نے بھی مصری صدر کو خریدنے کے لیے بولی لگانا شروع کردی-
اس بولی میں سو سے زائد صارفین نے حصہ لیا جبکہ سب سے زیادہ رقم ایک لاکھ
ڈالر سے زائد لگائی گئی-مصری صدر فروخت کرنے والے صارف کی جانب سے اشتہار
پر السیسی کی تصویر کے ساتھ یہ الفاظ بھی لکھے گئے تھے 'معمولی استعمال شدہ'
فیلڈ مارشل۔
|
|
تاہم ای بے انتظامیہ نے بدھ کو یہ تفریحی پیج اپنی سائٹ سے حذف کردیا ہے-
|