یوسی ویب براؤزر٬ انٹرنیٹ کی دنیا کا ایک ابھرتا ہوا براؤزر

یوسی ویب براؤزر جو پاکستان میں 35 فیصد مارکیٹ شئیر رکھتا ہے اب انٹرنیٹ کی دنیا کا ایک بہت تیزی سے ابھرتا ہوا براؤزر بھی ثابت ہورہا ہے- اس وقت انٹرنیٹ صارفین کی ایک بہت بڑی تعداد یوسی براؤزر کی مدد سے سرفنگ کررہی ہے-

یوسی ویب براؤزر کی اس کامیابی کا درست اندازہ آپ اس بات سے باآسانی لگا سکتے ہیں کہ 3 مہینے قبل تک گوگل کروم کے ذریعے ہماری ویب کا وزٹ کرنے والے صارفین 49 فیصد جبکہ یوسی براؤزر کی مدد سے ہماری ویب تک پہنچنے والے صارفین کی تعداد صرف 15 فیصد تھی- لیکن اس وقت یوسی براؤزر کا استعمال کرتے ہوئے ہماری ویب تک رسائی حاصل کرنے والے صارفین کی تعداد اضافے کے بعد 37 فیصد تک پہنچ چکی ہے جبکہ گوگل کروم براؤزر استعمال کرنے والوں کی تعداد میں کمی واقع ہوئی ہے اور اب یہ تعداد صرف 36 فیصد رہ چکی ہے-
 

گزشتہ ماہ یوسی براؤزر کی جانب سے پاکستانی صارفین کیلئے اینڈرائیڈ اپ ڈیٹ جاری کیا گیا ہے۔ یہ اپ ڈیٹ کسی بھی موبائل براؤزر کی جانب سے پاکستانی صارفین کے استعمال ورجحان کو مد نظر رکھتے ہوئے پہلی بار جاری کیا گیا ہے۔ اس نئے اپ ڈیٹ کے تحت اب پاکستانی صارفین اپنی پسند اور استعمال کے لحاظ سے اپنے انٹرنیٹ کو بہترین اور مزید تیز رفتاری سے چلا سکتے ہیں جیسے نیوز ہیڈلائین، کرکٹ، میوزک، وڈیوز وغیرہ۔
 

یوسی براؤزر کے اس اقدام نے بھی اس کی کامیابی میں ایک اہم کردار ادا کیا ہے اور اس نئے اپ ڈیٹ کے بعد یوسی براؤزر کے صارفین کی تعداد میں خاطر خواہ اضافہ دیکھنے میں آیا ہے-

انٹرنیٹ کی رفتار اسمارٹ فون صارفین کیلئے سب سے زیادہ اہمیت کی حامل ہے اور یہی وجہ ہے کہ یوسی براؤزر اپنی تیز رفتاری کی خصوصیت اور آسان ہونے کے باعث پاکستان میں تیزی سے مقبولیت حاصل کر رہا ہے -
 

ایک حالیہ تجربے کے دوران انٹرنیٹ تیز رفتاری کے مظاہرے میں UC Browser نے تمام مدمقابل موبائل براؤزر کو تین گنا رفتار کے ساتھ پیچھے چھوڑ دیا۔ اس تجربے میں جدید موبائل انٹرنیٹ ٹیکنالوجی 3G,4G اورLTE نیٹ ورکس شامل تھے-