انٹرنیٹ پر ایک منٹ میں کیا کچھ ہوجاتا ہے؟ یقیناً آپ کو
اس سوال کے جواب کے بارے میں سوچنے میں بھی ایک منٹ سے زیادہ کا وقت لگ
جائے گا جبکہ حقیقت میں اس ایک منٹ کے دوران انٹرنیٹ کی دنیا مکمل طور پر
تبدیل ہوچکی ہوگی- جی ہاں ایک بین الاقوامی کمپنی ڈومو کے تیار کردہ گراف
کو اگر کو دیکھا جائے تو ہمیں احساس ہوگا کہ ایک منٹ کے مختصر سے دورانیے
میں انٹرنیٹ صارفین انٹرنیٹ کو اتنے ڈیٹا سے بھر دیتے ہیں کہ اگر انہیں ردی
کی شکل دی جائے تو دنیا میں کہیں پاﺅں رکھنے کی جگہ تک نہ ملے۔ ڈومو کے
مطابق سال 2013 سے سال 2015 کے درمیان انٹرنیٹ استعمال کرنے والوں کی تعداد
میں 18.5 فیصد کا اضافہ ہوا ہے- اس کمپنی کے انٹرنیٹ کی دنیا کے ایک منٹ کے
حوالے سے جاری کردہ اعداد و شمار کیا ہیں؟ آئیے جانتے ہیں-
|
|
انٹرنیٹ کی دنیا میں صرف ایک منٹ کی قلیل مدت کے دوران 4310 افراد ای کامرس
کی ویب سائٹ ایمیزون کا وزٹ کرلیتے ہیں-
|
|
صرف ایک منٹ کے دوران ایپل کے صارفین ایپل کے ایپ اسٹور سے 51 ہزار
اپلیکیشن ڈاؤن لوڈ کرتے ہیں-
|
|
صرف ایک منٹ کے عرصے میں پِن ٹرسٹ کے صارفین 9722 تصاویر کو پِن (pin) کرتے
ہیں-
|
|
ایک منٹ میں انسٹاگرام کے صارفین کی جانب سے مختلف پوسٹ کو 17 لاکھ 36 ہزار
111 مرتبہ پسند کیا جاتا ہے-
|
|
انٹرنیٹ کی دنیا میں اسی ایک منٹ میں یوٹیوب کے صارفین کی جانب سے اتنی
ویڈیوز اپ لوڈ کر دی جاتی ہیں جن کا دورانیہ 300 گھنٹے بنتا ہے-
|
|
ایک منٹ کے دوران سوشل میڈیا کی ویب سائٹ ٹوئٹر کے صارفین کی جانب سے
347222 ٹوئٹس کر دی جاتی ہیں-
|
|
سوشل میڈیا کی سب سے بڑی ویب سائٹ فیس بک پر ایک منٹ میں صارفین کی جانب سے
مختلف پوسٹ یا شئیر کی جانے والی نیوز فیڈز کو 41 لاکھ 66 ہزار 6 سو 67
مرتبہ پسند (LIKE) کیا جاتا ہے-
|
|
انٹرنیٹ کی دنیا میں صرف ایک منٹ میں اسکائپ صارفین کی جانب سے 1 لاکھ 10
ہزار 40 کال کی جاتی ہیں-
|
|
ایک منٹ کے دوران بز فیڈ کی ویڈیوز کو مختلف انٹرنیٹ
صارفین کی جانب سے 34 ہزار 150 مرتبہ دیکھا جاتا ہے-
|
|
ایک منٹ کے دوران اسنیپ چیٹ کے صارفین 2 لاکھ 84
ہزار 722 تصاویر کو دیکھتے یا انہیں شئیر کرتے ہیں- |