’اس صدی کی اہم دریافت‘ میں پاکستانی سائنسدان بھی شامل

لہروں کا کھوج لگانے میں کامیابی حاصل کرلی ہے جس کے بعد تشکیلِ کائنات سے متعلق کئی رازوں سے پردہ اٹھ سکے گا۔
 

کششِ ثقل کی ان لہروں کی موجودگی کا نظریہ تقریباً ایک صدی قبل آئن اسٹائن نے پیش کیا تھا تاہم ان لہروں کی پیمائش کے حوالے سے پہلی کامیابی اب جاکر حاصل ہوئی ہے- اور اس کامیابی کو رواں صدی کی سب سے اہم دریافت قرار دیا گیا ہے-

پاکستانی قوم کے لیے سب سے زیادہ فخر کی بات یہ ہے کہ کامیابی حاصل کرنے والے امریکی سائنسدانوں کی اس ٹیم میں دو پاکستانی دماغ بھی شامل ہیں- کراچی سے تعلق رکھنے والی پروفیسر نرگس ماوالوالا اور کوئٹہ سے تعلق رکھنے والے عمران خان نے بھی اس اہم ترین دریافت کرنے والے سائنسدانوں کی ٹیم کا حصہ ہیں-
 

پروفیسر نرگس ماوالوالا نے کراچی کے ’کونوینٹ آف جیزس اینڈ میری‘ سکول سے ابتدائی تعلیم حاصل کی اور پھر ’ویلیزلی کالج آف میساچوسٹس‘ سے اپنی کالج کی تعلیم مکمل کی۔ پروفیسر نرگس ’میساچوسٹس انسٹیٹیوٹ آف ٹیکنالوجی‘ (ایم ٹی آئی) کے ساتھ سن 2002 سے وابستہ ہیں۔

25 سالہ عمران خان کوئٹہ میں پیدا ہوئے اور پاکستان میں ’فاؤنڈیشن فار ایڈوانسمینٹ آف سائنس اینڈ ٹیکنالوجی‘ سے تعلیم یافتہ ہیں اور وہ ’گران ساسو سائنس انسٹیٹیوٹ‘ کے ساتھ کام کر رہے ہیں۔