درختوں کی دنیا اور چونکا دینے والے حقائق

سرسبز و شاداب اور گھنے درخت یقیناً خوبصورتی کا ایک ایسا روپ ہوتے ہیں جن کا حقیقی معنوں میں دنیا میں کوئی نعم البدل موجود نہیں- تھوڑی دیر کے لیے تصور کیجیے کہ اگر دنیا میں سے درخت غائب ہوجائیں تو دنیا کیسی دکھائی دے گی؟ یقیناً اس بات کا تصور کرنا بھی انتہائی مشکل کام ہے- درخت جہاں ایک جانب ہماری زندگیوں کے لیے انتہائی اہم وہیں ان کچھ ایسے حقائق بھی وابستہ جن سے بہت کم لوگ واقف ہیں- آئیے درختوں کی دنیا وابستہ چند ایسے ہی چونکا دینے والے حقائق پر نظر ڈالتے ہیں-

کولمبیا کی ایک یونیورسٹی کے سائنسدانوں نے ایک ایسا درخت تیار کیا ہے جو قدرتی درخت کے مقابلے میں ہزار گنا زائد کاربن ڈائی آکسائیڈ اپنے اندر جذب کرنے کی صلاحیت رکھتا ہے-

کیلیفورنیا دنیا کے چند قدیم ترین درختوں کا گھر ہے- یہاں پائے جانے والے چند درخت تو 5 ہزار سال سے بھی زیادہ پرانے ہیں-

دنیا کے چند قدیم ترین درختوں کا مقام عوام سے خفیہ رکھا جاتا ہے تاکہ وہ انہیں تباہ نہ کرسکیں یا کسی بھی قسم کا نقصان نہ پہنچا سکیں-

لیونارڈو ڈاونچی دنیا کا وہ پہلا شخص تھا جس نے یہ بتایا کہ درخت کی تمام شاخوں کو اگر اکٹھا کردیا جائے تو اس کی موٹائی اتنی ہوگی جتنی کہ اس درخت کے تنے کی ہے-

1930 کے دوران نازیوں نے اپنے مشہور نشان swastika کی شکل کے درخت اگائے جو کہ 1992 میں ایک فضائی سروے کے دوران دریافت ہوئے- رہائشیوں نے یہ درخت فوری طور پر کاٹے کیونکہ جرمنی یہ لوگو یا نشان غیر قانونی ہے-

تقریباً 96 فیصد قدیم ترین ریڈ ووڈ درخت کاٹے جا چکے ہیں اور ان درختوں کا شمار دنیا کے سب سے قدیم ترین اور بلند ترین درختوں میں کیا جاتا ہے-

ایک ہزار سال قبل وینس کے جزیرے درختوں پر تعمیر کیے گئے تھے لیکن چونکہ درختوں کی جڑیں پانی میں ڈوبی ہوئی تھیں اس لیے وہ زیادہ پھل پھول نہیں سکے-

انڈونیشیا کے جزیرے Tana Toraja میں اگر کوئی بچہ انتقال کر جاتا ہے تو گاؤں والے اس کی لاش درخت میں سوراخ کر کے اس کے اندر رکھ دیتے ہیں اور درخت کو مزید پروان چڑھنے کے لیے چھوڑ دیتے ہیں-

سینڈ باکس نامی درخت پر انتہائی زہریلے کانٹے پائے جاتے ہیں اور یہ درخت ان زہریلے کانٹوں سے بھرپور ہوتا ہے-

امریکہ میں گزشتہ 100 سالوں کے مقابلے میں آج زیادہ درخت پائے جاتے ہیں اور اس کی وجہ 1940 کے آغاز سے ہی جنگلات کی کٹائی کے عمل کو سست کرنا تھا- یہاں تک کہ جنگلات کی افزائش کا عمل تیز ہوگیا-

1980 کے بعد سے 11 سال سے زائد عمر کے ہر چینی باشندے پر یہ پابندی عائد ہے کہ وہ سال بھر میں کم سے کم 3 پودے ضرور لگائے گا-

ہوائی میں یوکٹلس درختوں کی ایک ایسی قسم پائی جاتی ہے جس کی چھال قدرتی طور پر قوسِ قزاح کے رنگ کی ہوتی ہے-

Manchineel نامی درخت فلوریڈا میں پایا جاتا ہے اور اس کا شمار دنیا زہریلے ترین درختوں میں ہوتا ہے- اس کا پھل انسان کی جان لے سکتا ہے یہاں تک اس کے قریب کھڑے ہوکر سانس لینا بھی خطرناک ثابت ہوسکتا ہے-

< Previous تاریخ کی امیر ترین شخصیات NEXT > دنیا کا سب سے زہریلا جانور