بھارت کے شہر آگرہ میں واقع تقریباً چار سو سال پرانی
محبت کی نشانی اور مغل بادشاہ شاہجہان کے تعمیر کردہ تاج محل کو اب جلد ہی
دنیا بھولنے والی ہے کیونکہ دبئی میں تاج محل سے بھی کئی گنا بڑا٬ شاندار
اور ایسی خصوصیات کا حامل تاج محل ہونے والا ہے جسے دیکھ کر بھارت بھی چونک
جائے گا-
|
|
تاج محل سے متاثر ہو کر ڈیزائن کی جانے والی تاج عریبیہ نامی اس شاندار
عمارت کی تعمیر کا آغاز 2016 میں کردیا جائے گا اور امکان ظاہر کیا جارہا
ہے کہ یہ تعمیر دبئی میں ہونے والے میگا ایکسپو 2020 ایونٹ سے قبل مکمل کر
لی جائے گی-
اس عمارت کو تعمیر کرنے والے تعمیراتی کمپنی لنکس گلوبل گروپ کے مطابق تاج
عریبیہ منفرد خصوصیات کی حامل عمارت ہوگی اور یہ تاج محل سے دو گنا بڑی
ہوگی-
20 ایکڑ کے رقبے پر پھیلی یہ عمارت ایک فائیوسٹار ہوٹل، چند اپارٹمنٹس،
دکانوں، بوتیک اور آرکیڈ پر مشتمل ہوگی-
|
|
تاج عریبیہ کو ایسی مخصوص روشنیوں سے آراستہ کیا جائے گا کہ رات کے اوقات
میں یہ چاندنی میں نہایا ہوا معلوم ہوگا جبکہ میلوں دور سے بھی اس عمارت کا
نظارہ ممکن ہوگا-
|