یوں تو کرسمس کے موقع پر ایک دوسرے کو تحفے تحائف دینا
جرمن خاندانوں کے لیے ایک عام سی بات ہے لیکن حال ہی میں منائے جانے والے
کرسمس کے موقع پر ایک دادی نے اپنے پوتے کو ایسا تحفہ دیا کہ جسے دیکھ کر
بہو غصے میں آگئی اور ساس کو تھانے کی ہوا کھانی پڑی-
|
|
جی ہاں جنوبی جرمن صوبے باویریا میں ایک 67 سالہ خاتون نے اپنے گیارہ سالہ
پوتے کو کرسمس کے موقع پر تحفے میں ایسی چاکلیٹ سے نوازا جس میں الکوحل
شامل تھا- پوتے نے جیسے ہی چاکلیٹ کا ٹکڑا منہ میں ڈالا فوراً تھوک دیا-
اور یہ منظر دیکھ بہو نے تحفے میں موجود گڑبڑ کا فوراً اندازہ لگا لیا-
جب بہو کو اصل حقیقت کا معلوم چلا تو وہ سیخ پا ہوگئی اور دادی کے اس تحفے
کو ’غیر معمولی اور ناجائز‘ قرار دیتے ہوئے مقامی تھانے جاپہنچی-
اگرچہ جرمنی سمیت دنیا کے کئی ممالک میں الکوحل پر مشتمل چاکلیٹ ایک دوسرے
کو دینا کوئی غیرمعمولی بات نہیں- تاہم جرمن قانون کے مطابق نابالغ افراد
کو تمباکو اور الکوحل کی فروخت یا ان کی فراہمی منع ہے۔
|
|
پولیس نے بہو کی شکایت پر دادی کو تھانے طلب پولیس نے خاتون کی شکایت پر اس
کی ساس کو طلب کر لیا لیکن دادی کو اس وقت تک اپنی غلطی کا احساس ہو چکا
تھا اور اسی وجہ سے پولیس نے دادی کو تنبیہ کر کے معاملہ ختم کردیا-
|