مقبول موبائل نیٹ ورک کمپنی 'یوفون' کے اشتہارات یوں تو
پہلے بھی پسند کیے جاتے تھے لیکن یوفون کے نئے اشتہار نے لوگوں کے دل تو
جیتے ہی لیکن ساتھ میں موبی لنک کو بھی طنز و مزاح کا نشانہ بنا ڈالا-
یوفون ںے اپنے نئے اشتہار میں 'موبی لنک' کے طرز پر پاکستان کے مشہور
اخبارات کے فرنٹ پیج پر فیصل قریشی کے پوز کے ساتھ اپنے نئے اسمارٹ فون کی
تشہیر کی ہے.
|
|
گزشتہ ہفتے موبی لنک نے اپنے نئے اشتہار میں جب نرگس فخری کو ایک نازیبا
پوز کے ساتھ پیش کیا تو اسے شدید تنقید کا سامنا کرنا پڑا اور اس اشتہار کو
خواتین کا استحصال قرار دیا گیا- موبی لنک کا یہ اشتہار ملک کے مختلف اردو
اخبارات کے فرنٹ پیج پر پیش کیا گیا تھا-
اب یوفون نے پاکستان کے مختلف اخبارات کے فرنٹ پیج پر اپنے نئے اسمارٹ فون
کا اشتہار دیا ہے جس میں نرگس فخری یا کسی خاتون ماڈل کے بجائے فیصل قریشی
کو نرگس فخری کے پوز میں لیٹا ہوا دکھایا گیا ہے-
یوفون کے اس اشتہار کو عوام نے مزاح کے طور پر بہت پسند کیا ہے اور اکثر
افراد اسے 'ایڈ آف دی ایئر' کا خطاب بھی دے رہے ہیں.
سوشل میڈیا پر جہاں موبی لنک کے اشتہار کو شدید تنقید کا نشانہ بنایا گیا
تھا وہیں یوفون کے اس اشتہار کو انتہائی دلچسپ اور مزاح سے بھرپور قرار دیا
جارہا ہے-
|
|
اشتہار میں فیصل قریشی کی تصویر کے ساتھ ایک مزاحیہ جملہ "ایکسکیوزمی!
موبائل فون ہمارا بہتر اور سستا ہے" بھی لکھا گیا ہے جبکہ موبی لنک کے
اشتہار میں صرف نرگس فخری کو ہی نمایاں طور پر دکھایا گیا تھا اور صارفین
کو موبائل کے فیچرز سے آگاہ نہیں کیا گیا تھا-
|