پاکستان میں موبائل فون سروسز فراہم کرنے والی سب سے بڑی
کمپنی موبی لنک کو اس وقت اپنے نئے لانچ کئے گئے ہینڈ سیٹس کے غیر اخلاقی
اشتہار کی وجہ سے شدید تنقید کا سامنا کرنا پڑ رہا ہے- اس اشتہار میں ماڈل
نرگس فخری کو انتہالی نامناسب انداز کے ساتھ پیش کیا گیا ہے-
|
|
گزشتہ روز پاکستان کے مختلف اخبارات میں شائع ہونے والے موبی لنک کے اس غیر
اخلاقی اشتہار کی وجہ سے موبائل کمپنی کے ساتھ ساتھ ، ماڈل نرگس فخری اور
اشتہار دینے والے اخبارات کو بھی شدید تنقید کا سامنا ہے-
مذکورہ اشتہار میں ماڈل نرگس فخری کو انتہائی نامناسب انداز میں لیٹے ہوئے
دکھایا گیا ہے- جس کے بعد قارئین کی جانب سے اسے خواتین کا استحصال قرار
دیا جارہا ہے-
|
|
سوشل میڈیا کے صارفین نے اس اشتہار معاملے پر حکومت کو بھی آڑے ہاتھوں لیا
ہے اور اس پوز کو طنزیہ انداز کے ساتھ حکومت کی بہترین کارکردگی اور گڈ
گورنس سے جیسے القابات سے نوازا جارہا ہے-
ٹوئٹر پر بھی صحافیوں سمیت متعدد صارفین نے اس اشتہار کے خلاف شدید احتجاج
کیا ہے-
|