سال 2015 کے اختتام پذیر ہونے میں اب صرف چند ہی دن باقی
ہیں٬ یقیناً اس سال بھی پاکستان میں کئی افسوسناک واقعات پیش آئے لیکن
مختلف موضوعات اور کامیابیوں کے حوالے سے پاکستان کے لیے یہ ایک اہم ترین
اور بہترین سال بھی ثابت ہوا- ایک تلخ حقیقت یہ ہے کہ ہم برے یا افسوسناک
لمحات تو بہت دیر تک یاد رکھتے ہیں لیکن اچھے لمحات کو بہت جلد بھول جاتے
ہیں- آج کے آرٹیکل کا مقصد آپ کی توجہ ان اہم ترین اور بہترین لمحات کی
جانب مبذول کروانا ہے جو ہماری قوم کے لیے قابلِ فخر ہیں اور رواں سال وقوع
پذیر ہوئے- ایسے ہی چند لمحات کی جھلکیاں آپ اس مضمون میں ملاحظہ کریں گے-
ہمارا یہ آرٹیکل گزشتہ دنوں اسی موضوع پر شائع ہونے والے ایک آرٹیکل کی ہی
کڑی ہے-
|
|
رواں سال یاماہا موٹر سائیکل کمپنی نے پاکستان میں اپنی موٹر سائیکل کی
پیداوار کا دوبارہ آغاز کیا جس سے نوجوانوں کے لیے روزگار کے نئے مواقع
پیدا ہوئے-
|
|
سال 2015 میں ہی لاہور کے 9 سالہ احمد اور ان کی 14 سالہ بہن مسفرہ نے کم
عمر ترین Certified Ethical Hacker (CEH) ہونے کا اعزاز حاصل کیا-
|
|
رواں سال پاکستانی ویٹ لفٹر طلحہ طالب کامن ویلتھ یوتھ گیمز میں چاندی کا
تمغہ حاصل کرنے میں کامیاب رہے- انہوں نے یہ میڈل 55 کلوگرام ویٹ کی
کیٹیگری میں حاصل کیا-
|
|
16 سالہ سمائل نے امریکہ کے شہر سیٹل میں منعقد ہونے والی ڈوٹا 2 چمپئین شپ
جیت کر لاکھوں ڈالر اپنے نام کر لیے-
|
|
پاکستان کے شہر کراچی سے تعلق رکھنے والے حباب ادریس نے دنیا کی سب سے بڑے
انٹل انٹرنیشنل سائنس اینڈ انجنئیرنگ فئیر میں تیسری پوزیشن حاصل کی- اس
مقابلے میں دنیا بھر سے 1700 نوجوان سائنسدانوں نے شرکت کی تھی-
|
|
پاکستانی نوجوان 23 سالہ فرخ بھابھا نے مقامی سطح پر تھری ڈی پرنٹر تیار کر
کے دنیا بھر میں پاکستانی قوم کا سر فخر سے بلند کردیا- دلچسپ بات یہ ہے کہ
فرخ کے تیار کردہ پرنٹر کی قیمت بین الاقوامی سطح پر موجود پرنٹر کی قیمت
سے 4 گنا کم ہے-
|
|
نیٹ سول نے بین الاقوامی جریدے فوربس کی جاری کردہ “ سال 2015 کی بہترین
سافٹ وئیر کمپنیوں “ کی فہرست میں پوزیشن حاصل کی-
|
|
رواں سال پاکستان کے دارالحکومت اسلام آباد کو دنیا کا دوسرا سب سے خوبصورت
ترین دارالحکومت ہونے کا اعزاز حاصل ہوا-
|
|
پاکستانی طالب علم راجنیش انیل بھاٹیا نے بین الاقوامی
سطح پر ہونے والے میتھ کے مقابلے میں گولڈ میڈل جیتا- راجنیش جامشورو میں
واقع پاک ترک انٹرنیشل اسکول کے طالب علم ہیں- یہ مقابلہ بنکاک میں پین -
ایشیا انٹرنیشل اسکول میں منعقد ہوا-
|
|
رواں سال برطانیہ میں مقیم پاکستانی نژاد باکسر
عامر خان نے پاکستان کے دارالحکومت اسلام آباد میں باکسنگ اکیڈمی کے
قیام کا اعلان کیا اور اس سال انہوں نے پاکستان کا دورہ بھی کیا-
|
Click Here For Part-1 |