دنیا کی 15 پرکشش اقوام اور پاکستان کا نمبر؟

دنیا اس سے بھی کہیں زیادہ خوبصورت اور حسین ہے جتنی کہ شاعروں نے اپنی شاعری اور ادیبوں نے اپنی تحریروں میں بیان کی ہے- تاہم اگر بات دنیا میں بسنے والی مختلف پرکشش اقوام کے انتخاب اور ان کی درجہ بندی کی ہو تو یہ ایک انتہائی مشکل مرحلہ معلوم ہوتا ہے- لیکن جو بھی ہو اس آرٹیکل میں ہم دنیا کی چند سرفہرست خوبصورت اور پرکشش اقوام کا ایک جائزہ لیں گے- پرکشش اقوام کی یہ درجہ بندی the brofessional نامی ویب سائٹ نے ایک سروے کی مدد سے کی ہے اور یہاں آپ اس درجہ بندی کا مطالعہ 15ویں نمبر سے شروع کریں گے جس کا اختتام پہلے نمبر یعنی دنیا کی سب سے پرکشش قوم پر ہوگا-
 

15. English
دنیا برطانوی باشندوں کو خوش گفتار قرار دیتی ہے اور ممکن ہے کہ یہ بات کسی حد تک ٹھیک بھی ہو لیکن ایک بات طے ہے کہ برطانوی پرکشش ضرور ہوتے ہیں اور یقیناً آپ بھی ہماری اس بات سے ضرور متفق ہوں گے-

14. Italian
اٹلی میں چھٹیاں گزارنا کسے پسند نہیں مگر اس ملک میں خاص کیا ہے؟ اٹلی کا موسم گرم ہوتا ہے جبکہ اطالوی شہری خوبصورت دکھائی دیتے ہیں اور جب یہ الفاظ ادا کرتے ہیں تو ان کی آواز انتہائی رومانوی سی محسوس ہوتی ہے اور یہی محبت بھری آواز اس ملک کی سب سے بڑی خاصیت ہے-

13. Brazilian
برازیل کے ساحل٬ ماڈل اور گرمی سے تو سب واقف ہیں لیکن یہ کافی نہیں ہے- متعدد بین الاقوامی سروے کے مطابق برازیل کے شہریوں کا شمار دنیا کی سب سے پرکشش قوموں میں کیا جاتا ہے جن میں مرد اور خواتین دونوں ہی شامل ہیں-

12. Irish
آئرلینڈ ایک سرسبز اور خوبصورت مقام ہے لیکن اگر بات آئرش باشندوں کے بارے میں کی جائے تو مشہور امریکی ٹی وی کے میزبان Conan O’Brien نے ایک مرتبہ کہا تھا کہ آئرلینڈ میں دو قسم کے افراد پائے جاتے ہیں- ایک سانولے آئرش اور دوسرے ایسے جن کے چہروں پر چھائیاں ہیں- لیکن یہ دونوں ہی یکساں طور پر پرکشش دکھائی دیتے ہیں-

11. Serbian
اگرچہ سربیا کی خواتین احساسِ کمتری کا شکار ہیں اور یہ ایک نسبتاً نئی قوم ہے لیکن اس کے باوجود یہاں کے شہری پرکشش اور پراعتماد دکھائی دیتے ہیں- یہ قوم دنیا کی پرکشش اقوام کی فہرست میں شامل نہیں اسی لیے دنیا اس بات کو ماننے کے لیے تیار نہیں کہ یہ قوم بھی اپنا وجود رکھتی ہے- کیا کبھی آپ سربیا کے دارالحکومت بلغراد گئے ہیں؟ وہاں کے رہائشی آپ کو سکھائیں گے کہ جینا کسے کہتے ہیں- آپ دنیائے ٹینس کے عظیم کھلاڑی Novak Djokovic کو کیسے بھلا سکتے ہیں جو کہ سربیا شان ہیں-

10. Swedish
اس قوم کے چاہے مرد ہوں یا پھر خواتین دونوں کا ہی شمار دنیا کے دس سرفہرست پرکشش اور جاذبِ نظر باشندو میں کیا جاتا ہے- یہاں کے ہر شہری کے بال سنہرے ہوتے ہیں جبکہ ان کی جلد کو بھی سورج نے کسی قسم کا نقصان نہیں پہنچایا-زیادہ تر سویڈش کی آنکھوں کا رنگ نیلا ہے-

09. American
امریکی شہریوں کی شخصیت کے بارے میں اتنا ہی کہنا کافی ہے کہ یہ ان تمام باتوں کا خلاصہ ہیں جو ہم اوپر دیگر اقوام کے بارے میں آپ کو بتاتے آئے ہیں- یہاں دی گئی تصویر سے بھی ان کے پرکشش ہونے کا اندازہ لگایا جاسکتا ہے-

08. Spanish
اسپین کے عوام اپنے پرکشش نقوش٬ خوبصورت خدوخال اور زندگی سے بھرپور تہواروں کی بدولت جانے جاتے ہیں- یہی وجہ ہے کہ ہسپانوی شہری خوبصورتی کے معاملے میں اپنا ثانی نہیں رکھتے- ہسپانوی ماڈل Penelope Cruz اور ٹینس کے کھلاڑی رافیل نڈال سے تو آپ بخوبی واقف ہیں٬ کیا کچھ اور کہنے کی ضرورت ابھی باقی ہے؟