Ajh Kal Punjab Kay Dil Lahore Mein Zyda Or Okara Mein Qadray
Kam Bye Election Kaa Jadu Sar Char Kar Bol Rha Hay.Pti Or Noon League Mein Saas
Baahu Wali Jangh Jaari Hay Hakoomat Becharee Munni Ki Trah Badnaam Hu Rhi Hay .Koi
Jalsa Hu Ya Corner Meeting Hakoomati Muuni Ko Bhut Se Ilzaamaat Ka Samna Hay
Nandi Pour Ka Power Project Hu Ya Solar Park Ki Badnam E Zamana Kahani ,Saaf
Pani ,Loadshading Berozgaari,Kasshkool Kahani Algharz Hakoomat Is Waqt Munni
Bani Hui Hay.Oposition Har Tra Say Muni Ko Badnaam Karnay Par Tuli Hui Hay.Kher
Muni Ka Fasla Bee 11 October Ko Hu Jaye Ga .Werna Sab Kahein Gay Muni Badnaam
Hui Noon League Tray Liye.Wesay Lahore Kay Logh Khushnaseeb Hein Kay Hakomty
Wazra Ju 5 Saal Say Pehlay Apna Deedaar Nahi Karattay Thay Ajh Kal Un Ki
Dehleeze Par Mojudh Rehaty Hein Kay Kab Ehle E Khana Ko Dahee Doodh Sabzi Ki
Zrorat Hu Or Wo Dour Kay Lay Aein Wo Hee Puranay Waday Nai Expiry Date Or
Packing Kay Sath Awaam Ki Khidmat Mein Pesh Kiye Jaa Rhaein Hein.Kash Sub Ko
Pata Chal Jaye Kay Ye Chlay Huay Professional Kartoos Hein.Ajh Kal Lahoriye
Purani Qawali Kay Mazay Lay Rhay Hein Ju Logh Berozghaar Hein Araam Se Subah
Jatay Hein Raat Gaye Atay Hein Pait Bee Bhur Jata Hay Or Time Bee Pass Hu Jata
Hay.Janay Kis Tra Se Wo Vote Manghta Hay Ham Sath Mein Jigher Bee Apna Day Atay
Hein.Becharee Qom Kal Ki Aas Par Zinda Hay Or Ye Politician Iss Qom Ki Kal Hee
Nahi Anay Detay Fer Bee Asee Sada Qom Kay Un Par Wari Sadqay Jaty Hay Jawaab Mn
Wohee Puranay Ragh Walay Khukhlay Waday ...Wo Wada Hee Kia Ju Wafa Hu Jaye Kash
Kay Koi Kuch Deir Hee Kay Liye Momin Ban Jaye.Fer Hazrat E Insaan Sochta Hay Kay
Pewesta Reh Shajar Se Umeed E Bahaar Rakh,,,,Fer Jabh Election Kay Baad Wo Mna
Asa Ghaieb Huta Hay Kay Jasay Gdhay Kay Sar Se Saingh Ghaib Hutay Hein,,Misra
Badal Jata Hay ,,Wo Hee Patay Hawa Denay Lagay Jin Par Takiya Tha.