مولا چوٹوک٬ بلوچستان کا ایک پوشیدہ موتی

عام طور پر بلوچستان کو ایک صحرائی علاقہ تصور کیا جاتا ہے جہاں صرف پہاڑ ہی پہاڑ یا پھر بنجر زمین ہے- لیکن بہت کم لوگ اس بات سے واقف ہیں کہ بلوچستان کے کچھ خوبصورت مقامات ایسے بھی ہیں جہاں ہر طرف ہریالی٬ جھیلیں اور آبشاریں وغیرہ بھی پائی جاتی ہیں- اور بلوچستان کے انہی پرکشش مقامات میں سے ایک مولا چوٹوک بھی ہے- یہ ایک الگ تھلگ٬ انتہائی پرسکون اور شاندار سیاحتی مقام ہے جو بلوچستان کے علاقے ضلع خضدار کے وسط میں واقع ہے-
 

image
مولا چوٹوک بلوچستان کے علاقے خضدار سے 80 کلومیٹر کے فاصلے پر واقع ہے- یہ ایک انتہائی چھوٹا اور خوبصورت مقام ہے- اس گاؤں کا رقبہ صرف 1237 میٹر ہے-
 
image
یہ مقام ہریالی اور بلند و بالا چٹانوں سے گھرا ہوا ہے جبکہ یہاں موجود پرکشش آبشاریں اور جھرنے سیاحوں کو ضرور اپنی جانب متوجہ کرتے ہیں- اور ان آبشاروں کو چوٹوک کے نام سے جانا جاتا ہے-
 
image
مولا چوٹوک کے وسیع پہاڑ٬ تراشیدہ چٹانیں٬ نہریں اور گرم پانی کے تالاب سیاحوں کے درمیان مشہور ہیں-
 
image
یہ مقام جتنا سیاحوں کے درمیان مقبول ہے اتنا ہی اسے یہاں کے مقامی افراد بھی پسند کرتے ہیں اور کثیر تعداد میں یہاں تفریح کے لیے آتے ہیں-
 
image
خضدار کا سب سے بڑا دریا مولا دریا ہے اور وہ انہی پہاڑوں سے نکلتا ہے اور پورا سال بہتا ہے-
 
image
مولا چوٹوک میں کجھور کے درخت بھی پائے جاتے ہیں جبکہ یہاں کا صاف و شفاف اور چمکدار پانی وسیع پیمانے پر آب پاشی کے لیے استعمال کیا جاتا ہے-
 
image
چوٹوک نامی جھرنا دو پہاڑیوں کے درمیان سے بہتا ہے اور ٹھنڈے پانی کی نہر میں تبدیل ہوجاتا ہے- یہ جھرنا یا آبشار بلوچستان کے سب سے بڑے آبشاروں میں سے ایک ہے-
 
image
اس سیاحتی مقام پر موجود ندیاں اور دریا متعدد اقسام کی مچھلیوں سے بھرپور ہیں جو کہ اس مقام کو مزید منفرد بھی بناتی ہیں-
 
image
مچھلیوں کے علاوہ یہاں مختلف قسم کی فصلیں اور سبزیاں بھی پائی جاتی ہیں جن میں قابلِ ذکر بھنڈی٬ کدو٬ پیاز اور ٹماٹر شامل ہیں- اس کے علاوہ یہاں چاول اور گندم کی فصل بھی اگتی ہے-
 

image

مولا چوٹوک کے مقامی افراد برابوئی زبان بولتے ہیں-
 

image

چھٹیاں گزارنے اور سیر و تفریح کے لیے یہ ایک پرسکون اور شاندار مقام ہے-
 

YOU MAY ALSO LIKE:

Contrary to popular belief, Balochistan is not a deserted area. It is so much more. From lofty mountain ranges and salt mines to lakes and waterfalls – the province is blessed with unique landscapes. Moola Chotok Khuzdar is a hidden sanctuary located somewhere in the middle of the Khuzdar District. It is isolated, quiet and utterly sublime. Have a look!