سعودی عرب میں ایک خطرناک بیماری نے اس وقت پھیلنا شروع
کر دیا ہے جب حج کے لیے 20 لاکھ سے زائد مسلمانوں کی آمد متوقع ہے- اس
خطرناک بیماری کے اس موقع پر پھیلنے نے سعودی حکام کو مزید پریشان کردیا
ہے-
|
|
یہ بیماری ایک خطرناک وائرس ہے جو کہ میرس کے نام سے جانا جاتا ہے- یہ
خطرناک وائرس اونٹ کے ذریعے انسان میں داخل ہوا ہے-
یہ وائرس ایک اونٹ کو ناک کے ذریعے دی جانے والی دوائی کے دوران اونٹ کے
مالک کے جسم میں سانس کے ساتھ داخل ہوا-
پہلی بار یہ وائرس سال 2012 میں سامنے آیا ہے عالمی ادارہ صحت کے مطابق اب
تک یہ وائرس 515 افراد کو اپنا شکار بنا چکا ہے-
اس وائرس کا شکار بننے والا فرد بخار میں مبتلا ہوکر نمونیا تک جا پہنچتا
ہے اور ساتھ ہی اس کے گردے بھی کام کرنا چھوڑ دیتے ہیں-
|
|
سعودی عرب نے احتیاطی تدابیر کے طور پر اونٹوں کے مالکان کو اپنے جانوروں
سے دور رہنے کی ہدایت کی ہے- اور یہ بھی ہدایت کی ہے کہ اگر اونٹ کے قریب
جانا ضروری ہو تو ماسک اور دستانوں کا استعمال ضرور کریں- |