بھارت کا بڑھتا ہوا جنگی جنون٬ گھمنڈ یا غفلت

سیکولر٬ جمہوریت پسند اور مہان بھارت٬ جیسا کہ دیش واسی کہتے ہیں! دنیا کے سب سے زیادہ آبادی والے ممالک میں شامل٬ اپنے جغفرافیائی و سیاسی محل وقوع٬ وسائل٬ افواج اور سب سے اہم اپنی بداخلاقیات کی بنا پر بھارت ساری دنیا میں پہچانا جاتا ہے- اس بات میں کوئی شک نہیں کہ گزشتہ چند سالوں میں بھارت نے معاشی میدان میں بےپناہ ترقی کی ہے اور اس کی بنا پر وہ خود کو سب سے طاقتور اور اپنے پڑوسی ممالک چیونٹی سمجھنے لگے ہیں جنہیں وہ جب چاہیں مسل سکتے ہیں-

طاقت کے نشے میں چور بھارت کا یہ رویہ ہمارے لیے کچھ نیا نہیں- یہی وجہ ہے کہ پاکستان کی بھارت کے لیے خارجہ پالیسی کبھی ایک جیسی نہیں رہتی- بھارت کے بچکانہ رویے کا اندازہ اس بات سے لگایا جاسکتا ہے کہ اگر بھارتی کرکٹ ٹیم پاکستان سے کوئی سیریز ہار جائے یا ان کا وزیر اعظم کا کوئی غیرملکی دورہ ناکام ہوجائے تو وہ لائن آف کنٹرول پر گولہ باری شروع کردیتے ہیں-
 

پاکستان میں ہونے والی حالیہ دہشت گردی کے پیشِ نظر پاکستان آرمی کا فیصلہ کن “ آپریشن ضرب عضب “ جاری ہے-اس بات میں کوئی شک نہیں کہ بھارت پاکستان میں دہشت گردی پھیلانے میں سرگرم رہا ہے- تاہم پاکستان آرمی کی بروقت کاروائی سے ان کا یہ ارادہ ریت کی دیوار ثابت ہوا

اس مضمون کے ذریعے بھارت کے بڑھتے ہوئے جنگی جنون پر نظر ڈالیں گے جن کو ڈھال بنا کر وہ بین الاقوامی قوانین کی مسلسل خلاف ورزیاں کر رہا ہے اور پاکستان کی طاقت کو یکسر نظر انداز کیے بیٹھا ہے-

پاک بھارت تعلقات کے اتار چڑھاؤ:
جنگ جیسا ماحول٬ سارک کانفرنس میں شرکت کرنے والے پاک بھارت وزرائے اعظم کا مصافحہ کرنا٬ طویل عرصے سے جاری مسئلہ کشمیر٬ پاکستان اور بھارت کے سیاسی لیڈروں کی میٹنگ پر میڈیا کے واویلے٬ بھارت کے سرد جنگ کے حربے اور امن کی آشا کے نام پر رچایا جانے والا بدامنی کا ڈرامہ- پاکستان اور بھارت کے تعلقات انہیں چیزوں کے گرد گھومتے رہتے ہیں- ایسا معلوم ہوتا ہے کہ پاکستان اور بھارت کے درمیان تعلقات کے اتار چڑھاؤ کا موسم ہر وقت تبدیل ہوتا رہتا ہے- بظاہر تو دونوں ممالک امن کا راگ الاپتے رہتے ہیں مگر حقیقت اس کے برعکس ہے- پاکستان تمام معاملات مذاکرات کے ذریعے حل کرنے کا خواہشمند ہے جبکہ جنگ کے میدان میں اپنی طاقت کا مظاہرہ کرنے کے لیے بےتاب ہے- قصہ مختصر٬ امن بھارت کے لیے صرف ایک ڈرامہ ہے- یہ کہا جائے تو غلط نہیں ہوگا کہ کشمیر٬ بھارت کی پاکستان کے اندرونی معاملات میں دخل اندازی اور لائن آف کنٹرول کی خلاف ورزیاں مناسب پاک بھارت تعلقات میں سب سے بڑی رکاوٹ ہیں-