ایک دن کا وزیراعظم کیا کرسکتا ہے؟ (خصوصی انٹرویو)

بچے ہمیشہ اپنے والدین کے نام سے جانے جاتے ہیں لیکن زندگی چند مواقع ایسے بھی آتے ہیں جب والدین اپنے بچوں کے نام جانے جاتے ہیں- انہی مواقعوں میں سے ایک موقع وہ ہوتا جب کوئی بچہ تعلیمی میدان میں نمایاں کامیابی یا پوزیشن حاصل کرتا ہے اور اس دن پوزیشن ہولڈر کے والدین کا سر اپنے ذہین اور ہونہار بچے کی وجہ سے فخر سے اونچا ہوجاتا ہے- ایسے ہی چند مناظر گزشتہ روز اس وقت دیکھنے میں آئے جب کراچی انٹرمیڈیٹ بورڈ نے پری انجنئیرنگ اور جنرل سائنس کے سالانہ امتحانات 2015 کے پوزیشن ہولڈرز کے ناموں کا اعلان کیا- اس موقع پر انٹرمیڈیٹ بورڈ کی جانب سے ان پوزیشن ہولڈر طلبا کا اعزاز میں ایک پروقار تقریب کا انعقاد کیا گیا جہاں ان طلبا کو انعام و اکرام سے بھی نوازا گیا- اس تقریب کے ممہانِ خصوصی کمشنر کراچی جناب شعیب احمد صدیقی صاحب تھے- ہماری ویب نے اس موقع کو غنیمت جانتے ہوئے پری انجنئیرنگ کے پوزیشن ہولڈرز سے خصوصی بات چیت کی- یہ بات چیت اب نذرِ قارئین ہے تاکہ وہ بھی مستقبل کے ان معماروں کی روزمرہ کے تعلیمی امور اور ان کے خوبصورت خیالات کے بارے میں جان سکیں-

سب سے پہلے ہم بات کریں گے انٹر پری انجنئیرنگ کے سالانہ امتحانات میں پہلی پوزیشن حاصل کرنے والی خوش نصیب طالبہ عدوس خالد سے- عدوس نے 1100 میں سے 1000 نمبر لے کر اے ون گریڈ حاصل کیا-

ہماری ویب: کالج کا نام؟
عدوس خالد= بی اے ایم ایم پی ای سی ایچ ایس گورنمنٹ کالج فور وومن-
 

ہماری ویب: پوزیشن حاصل کرنے پر کیا احساسات ہیں؟
عدوس خالد= بہت خوشی ہورہی ہے٬ بہت اچھا لگ رہا ہے- پوزیشن حاصل کرنا میرا خواب تھا جو پورا ہوگیا-

ہماری ویب: کیا کوچنگ بھی جوائن کیا ہے؟
عدوس خالد= جی ہاں-

ہماری ویب: آپ نے پری انجنئیرنگ کا انتخاب کیوں کیا؟
عدوس خالد= میری میتھ کے مضمون میں دلچسپی تھی اسی وجہ سے اس کا انتخاب کیا-

ہماری ویب: آپ کے والدین کیا کرتے ہیں؟
عدوس خالد= میرے والد ڈاکٹر ہیں جبکہ میری والدہ اسکول کی پرنسپل ہیں-

ہماری ویب: آپ کی نظر میں ملک کا سب سے بڑا مسئلہ کیا ہے؟
عدوس خالد= ہمارا ملک تعلیم کے میدان میں بہت پیچھے ہے اور ہمیں اس میدان میں ترقی کی ضرورت ہے- ہر انسان کو چاہیے کہ وہ تعلیم حاصل کرے-

ہماری ویب: اگر آپ کو ایک دن کے لیے وزیر اعظم بنا دیا جائے تو پہلا کام کیا کریں گی؟
عدوس خالد= میں تعلیم کے شعبے کی طرف دھیان دوں گی اور ان لوگوں کو سہولیات مہیا کروں گی جو تعلیم حاصل کرنے کا شوق رکھتے ہیں-

ہماری ویب: تعلیمی نظام کی بہتری کے لیے حکومت کو کیا اقدامات کرنے چاہیے؟
عدوس خالد= نقل کی روک تھام کے لیے اقدامات کریں- اس سلسلے میں اساتذہ تو اپنا کردار ادا کرتے ہیں لیکن سیاسی پارٹیاں راہ میں رکاوٹ بن جاتی ہیں-

ہماری ویب: آپ کے خیال میں مستقبل میں پری انجئینرنگ کی فیلڈ کا کیا اسکوپ ہے؟
عدوس خالد= بہت زیادہ اسکوپ ہے- ہر شعبے میں انجنئیر کی ضرورت ہے اور ہمارے ملک کی ترقی میں انجنئیر کا اہم کردار ہے-

ہماری ویب: آپ دوسرے طالبعلموں کو تعلیم میں نمایاں کامیابی حاصل کرنے کے لیے کیا پیغام دیں گی؟
عدوس خالد= میں یہی بولنا چاہوں گی کہ اپنے وقت کو برباد نہ کریں اور تعلیم پر توجہ دیں- اس کے علاوہ اپنے اندر ایک نظم و ضبط قائم کریں-

اب ہم بات کریں گے سیکنڈ پوزیشن حاصل کرنے والی خوش نصیب طالبہ عروج نبی ڈار سے- عروج نے 1100 میں سے 999 نمبر لیے اور اے ون گریڈ حاصل کیا-

ہماری ویب: کالج کا نام؟
عروج نبی ڈار= بحریہ کالج - کارساز