ہماری زمین پراسرار رازوں اور عجائبات سے بھرپور ہے- اور
آج تک اسے مکمل طور پر دریافت نہیں کیا جاسکا- لیکن دنیا کے جو حصے اب تک
دریافت کیے جاچکے ہیں صرف ان کی حقیقت بھی انسان کو حیران کردینے کے لیے
کافی ہے- ہماری اس دنیا میں زیرِ زمین کئی ایسے عجائبات پائے جاتے ہیں
جنہیں دیکھ کر انسان چونک جاتا ہے- آئیے چند ایسے ہی عجائبات پر ایک نظر
ڈالتے ہیں:
|
|
یہ غار کیلیفورنیا میں واقع ہے اور اسے Crystal Ice Cave کہا جاتا ہے- یہ
کیلیفورنیا کے لاوا بیڈز نیشنل پارک کے زیرِ زمین موجود غاروں میں سے صرف
ایک غار ہے- اس غار کی سب سے بڑی خصوصیت یہاں پائی جانے والی چمکتی برف ہے
جو مختلف خوبصورت شکلوں میں ڈھلی ہوئی ہے-
|
|
یہ غار بھی کیلیفورنیا میں واقع ہے اور اسے Crystal Cave کے نام سے جانا
جاتا ہے- یہ غار Sequoia نیشنل پارک میں واقع ہے- زیرِ زمین موجود اس
خوبصورت غار کو اپنے وسیع جنگلات کی بدولت دنیا بھر میں شہرت حاصل ہے-
|
|
ورجینیا میں واقع اس غار کو Luray Caverns کہا جاتا ہے- غاروں کا یہ سلسلہ
150 سال قبل دریافت کیا گیا- اس غار کی شہرت کی وجہ غار کی اندرونی
خوبصورتی ہے جس کی تخلیق میں ہزاروں برس کا عرصہ لگا-
|
|
یہ زیرِ زمین Puerto Princesa نامی دریا فلپائن میں واقع ہے- اس دریا کا
خوبصورت نظارہ انسان کو اپنے سحر میں جکڑ لیتا ہے- یہ دریا 15 میل کے فاصلے
تک بہتا ہے-
|
|
Skocjan نامی یہ غاریں سلوینیا میں واقع ہیں- میلوں تک پھیلے اس زیرِ زمین
عجوبے میں ایک غاروں کا ایک مکمل سلسلہ موجود ہے جبکہ یہاں کئی سرنگیں اور
تالاب بھی پائے جاتے ہیں- ان کی تاریخ بھی صدیوں پرانی ہے-
|
|
یہ ایک غیر آباد جزیرہ ہے جو کہ اسکاٹ لینڈ کی ساحلی پٹی پر واقع ہے- یہاں
موجود غار کو Fingal کے نام سے پکارا جاتا ہے- یہ مقام خوبصورت پرندے پفن
کا گھر بھی ہے-
|
|
Blue Grotto نامی یہ مقام اٹلی میں واقع ہے- یہ دنیا کے شاندار مقامات میں
سے ایک ہے اور یہ زیرِ آب غار کیپری جزیرے پر واقع ہے- اس پانی کے نیلے رنگ
کی وجہ اس پر پڑنے والی روشنی ہے جو کہ ایک مختصر سے کھلے ہوئے حصے سے داخل
ہوتی ہے-
|
|
کیوبا میں واقع یہ غار Caverna Bellamar کے نام سے جانی جاتی ہے اور یہ
کیوبا ایک قدیم ترین سیاحتی مقام ہے- اس زیرِ زمین غار میں کئی تالاب بھی
موجود ہیں جبکہ یہاں ایک ریسٹورنٹ بھی تعمیر کیا گیا ہے-
|
|
Grutas de Mira d'Aire نامی یہ زیرِ زمین غار پرتگال میں واقع ہے- اس غار
کی وجہ شہرت یہاں موجود چٹانوں کی خوبصورت تراش خراش ہے جنہیں اس شکل میں
ڈھلنے کے لیے ہزاروں سال کا عرصہ لگا- اس کے علاوہ سیاحوں کی آسانی کے لیے
یہاں ایک ریسٹورنٹ بھی قائم ہے-
|
|
میکسیکو میں واقع یہ غار دنیا کی سب سے بڑی غاروں میں سے
ایک ہے اور اسے Grutas de Cacahuamilpa Caverns کے نام سے جانا جاتا ہے- اس
زیرِ زمین غار میں دریاؤں کا ایک سلسلہ بھی موجود ہے- تاہم اسے ایک
آڈیٹوریم میں تبدیل کردیا گیا ہے جہاں کئی قسم کے کنسرٹ منعقد ہوتے ہیں-
|
|
اسپین میں واقع یہ غار Gruta de las Maravillas کہلاتی
ہے- اس زیرِ زمین غار میں کئی خوبصورت جھیلیں اور قدیم تراش خراش دیکھی
جاسکتی ہے-
|
|
Chapada Diamantina نامی یہ نیشنل پارک برازیل میں
واقع ہے- اس پارک کی چٹانوں کی گہرائی میں نیلے رنگ کے پانی کا حامل ایک
خوبصورت تالاب بھی موجود ہے- اس کے علاوہ یہاں کئی قدیم درخت بھی پائے جاتے
ہیں-
|
|
لبنان کی چونا پتھر کی یہ غاریں 6 میل طویل ہیں- Jeita
Grotto کے نام سے مشہور یہ غاروں کا سلسلہ لبنان کا ایک مقبول ترین سیاحتی
مقام بھی ہے-
|