|
اب تک سیلفی کے شوق نے کئی نوجوانوں کی زندگیاں تو خطرے
میں ڈالی ہی تھیں لیکن اب یہی سیلفی کا شوق ایک چور کو گرفتار کروانے کا
سبب بھی بن گیا ہے- جی ہاں فرانس میں جیسے ہی ایک چور نے اپنی سیلفی کھنیچی
تو کچھ وقت کے بعد اسے پولیس نے گرفتار کر لیا-
|
|
|
|
یہ انوکھا واقعہ حال ہی میں فرانس کے شہر روش فوغ میں پیش آیا ہے جہاں ایک
22 سالہ نوجوان چور نے ایک شخص کا موبائل فون چرایا اور شہر میں سیر کے
دوران اس فون سے اپنی سیلفی بنائی-
یہی سیلفی چور کو پکڑوانے کا سبب بن گئی کیونکہ چور اس بات سے ناواقف تھا
کہ فون کے مالک نے فون میں ایسی سیٹنگز کر رکھی ہیں کہ جیسے کوئی تصویر
کھینچی جائے وہ مالک کے کمپیوٹر میں منتقل ہوجائے-
ٹھیک اسی طرح جب چور نے اپنی سیلفی بنائی تو وہ اسمارٹ فون کے حقیقی مالک
تک جا پہنچی- مالک نے وہ تصویر پرنٹ کر کے پولیس حکام کے حوالے کردی- پولیس
نے چور کے عقب میں موجود مقام کا اندازہ لگا کر فوراً ہی چور کو گرفتار
کرلیا-
|
|
|
پولیس کا کہنا ہے کہ “ یہ چور پہلے بھی کئی جرائم میں ملوث ہو کر جیل کی
ہوا کھا چکے ہے اور اب اسے 31 ماہ تک کی سزا ہوسکتی ہے“- |