پاکستان کے تجارتی مرکز کراچی سے تعلق رکھنے والے شمائل
حسن نے لاکھوں ڈالر کا ایک بین الاقوامی مقابلہ جیت کر ایک نئی تاریخ رقم
کردی ہے- مذکورہ مقابلہ ’’ڈوٹا ٹو‘‘ نامی بین الاقوامی گیمنگ ٹورنامنٹ ہے
جو کہ امریکہ کے شہر سیٹل میں منعقد کیا گیا-
|
|
6 روز تک جاری رہنے والے الیکٹرانک گیمز کے اس مقابلے میں مختلف کردار ایک
دوسرے پر بجلی گراتے٬ آگ کے گولے پھینکتے اور مکے برساتے ہیں- شمائل حسن
مقابلے میں ایک امریکی ٹیم ’’ایول جینیئس‘‘ کا حصہ تھے- ٹیم بھی ان کے
علاوہ مزید چار گیمرز اور بھی موجود تھے- اس ٹیم کو فاتح قرار دیتے ہوئے
انعام کے طور پر 66 لاکھ ڈالر کی رقم سے نوازا گیا-
اتنے بڑے گیمنگ کے مقابلے کو دیکھنے والے افراد کی تعداد 17 ہزار تھی جبکہ
جیتنے والوں کے لیے مجموعی طور پر 1 کروڑ 80 لاکھ کی رقم کا اعلان کیا گیا-
گیمنگ کے اس دنیا کے دوسرے بڑے مقابلے میں مختلف ممالک کی ٹیموں نے حصہ لیا
جس میں امریکا، چین، کوریا، روس وغیرہ شامل تھے-
|
|
چمپئین قرار دی جانے والی امریکی ٹیم میں موجود شمائل حسن کے حصے میں آنے
والی رقم پاکستانی روپوں میں 10 کروڑ روپے سے بھی زائد بنتی ہے- اس کے
علاوہ 16 سالہ شمائل حسن مقابلہ جیتنے کے بعد دنیا کے سب سے کمر عمر ترین
امیر گیمر بھی بن گئے ہیں-
شمائل حسن کے مطابق “ اس مقابلے میں کامیابی حاصل کرنا ان کا سب سے بڑا
مقصد تھا جس کے لیے انہیں اپنی سائیکل تک فروخت کرنی پڑی ہے“- |