|
مسافر طیارے بنانے والی کمپنی ایئر بس ہائپر سونک جلد ہی
ایک ایسا طیارہ متعارف کروانے جارہی ہے جو سات گھنٹے کا طویل سفر صرف ایک
گھنٹے میں طے کرنے کی صلاحیت رکھتا ہوگا- ایئر بس ہائپر سونک اس طیارے کی
تیاری کے لیے پیٹنٹ حاصل کرنے میں بھی کامیاب ہوچکی ہے-
|
|
|
|
کونکورڈ دوم نامی اس جہاز میں مختلف طرز کے انجن نصب ہوں گے اور ان انجنوں
کو توانائی جہاز میں ذخیرہ کی گئی ہائیڈروجن سے حاصل ہوگی- اس جہاز کی
رفتار آواز کی رفتار سے چار گنا زائد ہوگی-
یہ نیا طیارہ خلائی جہاز کی مانند عمودی سمت میں پرواز کرے گا جبکہ طیارے
میں ٹیک آف کے لیے دو ٹربو جیٹس اور عقبی حصے میں ایک راکٹ موٹر نصب ہوگی
جو کہ جہاز کو ایک لاکھ فٹ کی بلندی تک لے جانے کی صلاحیت رکھتی ہوگی۔
مطلوبہ بلندی پر پہنچ کر جہاز میں نصب ریم جیٹس استعمال کیے جائیں گے جسے
جہاز رفتار ماک 4.5 تک جا پہنچے گی-ریم جیٹس عام طور پر میزائلوں میں
استعمال کیے جاتے ہیں-
|
|
|
اس نئے طیارے میں صرف 20 مسافر ہی سوار ہوسکیں گے جن کے آرام دہ سفر کے لیے
طیارے میں جھولا نما سیٹس نصب ہوں گی- |