بچوں کی فکری و عملی تربیت کا مجرب نسخہ دینی تعلیم
(DR ZAHOOR AHMED DANISH, nakyal kotle azad kashmir)
موجودہ حالات ہم دیکھ رہے ہیں کہ
اخلاقی اعتبار سے ہمارابراحال ہے ۔مسجدوں کی ویرانی اور سینماگھروں وڈرامہ
تھیٹروں کی رونق ' دین کا درد رکھنے والوں کو خون کے آنسو رلاتی ہے۔ ٹی.وی
، وی سی آر ، ڈش انٹینا ، انٹر نیٹ اور کیبل کاغلط استعمال کرنے والوں نے
اپنی آنکھوں سے حیادھو ڈالی ہے۔انسان کو فکرِ آخرت سے یکسرغافل کردیا ہے۔
(اولاد سے دنیاوی توقعات:)
ان حالات کا ایک بڑا سبب والدین کا اپنی اولاد کی مدنی تربیت سے غافل ہونا
بھی ہے کیونکہ والدین اولاد کی تربیت اسلامی انداز میں کرتے نہیں ۔اور
اولاد سے دنیاوی بڑی بڑی توقعات وابستہ کردیتے ہیں ۔نتیجہ یہ نکلتاہے کہ
اولاد زیادہ پیسے کمانے والی ،شہرت پانے والی تو بن جاتی ہے لیکن اخلاقی
اعتبار سے زیادہ اچھی نہیں ہوتی ۔والدین کی عزت ان کے دل میں نہیں ہوتی ۔
(اولاد کو جنرل نالج کے ساتھ اسلامی نالج بھی دو):
ایسے والدین کو غورکرنا چاہیے کہ اولاد کو اس حال تک پہنچانے میں ان کاکتنا
ہاتھ ہے کیونکہ انہوں نے اپنے بچے کو ABC بولنا تو سکھایا مگر قرآن پڑھنا
نہ سکھایا ، مغربی تہذیب کے طور طریقے تو سمجھائے مگررسول عربی صلَّی اللہ
تعالیٰ علیہ والہٖ وسلّم کی سنتّیں نہ سکھائیں۔جنرل نالج (معلوماتِ عامہ)کی
اہمیت پر اولا د کواپنے پاس بٹھا کر گھنٹوں سمجھاتے رہتے ہیں ۔ مگر فرض
دینی علوم جو والدین کو سیکھانے چاہیے وہ سیکھاتے نہیں۔
(اولاد کو محبت رسول دو:)
پھر ایک اور بڑا مسئلہ وہ یہ کہ اولاد کے دل میں مال کی محبت تو ڈالی مگر
عشق ِ رسول صلَّی اللہ تعالیٰ علیہ والہٖ وسلّم کی شمع فروزاں نہ کی ، اسے
دنیاوی ناکامیوں کا خوف تو دلایا مگرامتحان قبر وحشر میں ناکامی سے وحشت نہ
دلائی ،اسے ہائے ہیلو کہنا تو سکھایا مگر سلا م کرنے کا طریقہ نہ بتایا ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
چند باتیں ذہن نشین کرلیں(١)اپنی اولاد پر نظر رکھیں ۔کیا کررہی ہے ۔کہاں
جارہی ہے (٢)دنیاوی تعلیم کے ساتھ ساتھ دینی تعلیم دیں ۔(٣)۔اپنے گھر کے
ماحول پر نظر رکھیں کہ کہیں ایساکام تو نہیں ہورہا کہ مدنی منّے و منیاں اس
دیکھ رہیں اور غلط تاثر لے رہے ہوں ۔(٣)اولاد کو محبت رسول سیکھائیں۔
تربیت اولاد کے حوالے سے اسی طرح کی مفید معلومات ہم آپ تک پہنچاتے رہیں
۔لیکن شرط یہ ہے کہ آپ رہیں ہم سے رابطے میں ۔اللہ ہم سب کاحامی و ناصر ہو۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
|