آج کل لوگوں میں تصاویر کھینچنے کا شوق جنون کی حد تک
پایا جاتا ہے٬ یہاں تک کہ بچے کے پیدا ہوتے ہی اس کی تصویر بھی کھینچ کر
سوشل میڈیا پر اپ لوڈ کردی جاتی ہے- لیکن کیا آپ تصور کرسکتے ہیں کہ کبھی
کبھی یہی تصویر خود بچے کے لیے کس حد تک خطرناک ثابت ہوسکتی ہے؟
|
|
جی ہاں حال ہی میں ایک 3 ماہ کا بچہ اس وقت اپنی ایک آنکھ کی بینائی کھو
بیٹھا جب اس کے والد کے دوست نے اس کی تصویر کھینچی لیکن دوست اس دوران
فلیش لائٹ بند کرنا بھول گیا-
فلیش لائٹ نے براہ راست بچے کی ایک آنکھ کو بری طرح متاثر کیا اور یوں ساری
زندگی کے لیے ایک آنکھ سے معذور ہوگیا-
یہ تصویر صرف 10 انچ کے فاصلے سے کھینچی گئی جس کے بعد بچے کے والدین نے
دیکھا کہ بچہ کی ایک آنکھ سے پانی بہہ رہا ہے جبکہ انہیں ایسا بھی محسوس
ہوا جیسے بچے کو دیکھنے میں دشواری کا سامنا ہے-
|
|
والدین نے جب ڈاکٹر سے معائنہ کروایا تو اس نے بچے کی ایک آنکھ ضائع ہونے
کی تصدیق کردی-
ڈاکٹر کے مطابق “ آنکھ میں موجود macula پر پائے جانے سیلز طاقتور فلیش
لائٹ کی وجہ سے متاثر ہوتے ہیں اور اس طرح بینائی جانے کا خدشہ پیدا ہوجاتا
ہے“ -
ڈاکٹر کا یہ بھی کہنا ہے کہ “ 4 سال تک کی عمر کے بچوں کا macula مکمل طور
پر تیار نہیں ہوتا اور اسی وجہ سے وہ فلیش لائٹ کی روشنی برداشت نہیں
کرپاتا- والدین کو چاہیے کہ وہ بچوں کی تصاویر کھینچتے وقت انتہائی احتیاط
سے کام لیں اور فلیش لائٹ آف کرنا نہ بھولیں“- |