دنیا کا سب سے گنجان آباد جزیرہ اور سہولیات؟

کیا آپ اس بات سے واقف ہیں کہ دنیا کا سب سے گنجان آباد جزیرہ کونسا ہے اور کہاں واقع ہے؟ اور سب سے دلچسپ بات یہ ہے کہ دنیا کا سب سے گنجان آباد جزیرہ ہونے کے باوجود یہ جزیرہ تمام اقسام کی بنیادی ضروریات سے محروم ہے لیکن لوگ اس کے باوجود یہاں زندگی بسر کرنا پسند کرتے ہیں- ایسا کیوں ہے؟ آئیے جانتے ہیں-

دنیا کا سب سے گنجان آباد جزیرہ کولمبیا کے علاقے Cartagena کس ساحل سے دو گھنٹے کے بحری سفر پر واقع ہے اور اسے Santa Cruz del Islote کے نام سے جانا جاتا ہے-
 

اس جزیرے کی آبادی 1200 افراد پر مشتمل ہے جبکہ جزیرے کا رقبہ 2.4 ایکڑ ہے-

یہ جزیرہ 150 سال قبل یہاں سے گزرنے والے ماہی گیروں کے ایک گروپ نے دریافت کیا تھا- ماہی گیروں کا احساس ہوا کہ جزیرے پر مچھروں کا نام و نشان تک موجود نہیں-

یہ صورتحال دیکھ کر ماہی گیروں نے جزیرے پر فوراً اپنا کیمپ قائم کردیا اور رہائش اختیار کرلی-

اس جزیرے پر 90 گھر٬ دو اسٹور٬ ایک ریسٹورنٹ اور ایک اسکول قائم ہے- تاہم جگہ کی کمی کی وجہ سے بیشتر اسٹرکچر پانی پر کھڑے ہیں-

جزیرے پر کوئی بلند و بالا عمارت موجود نہیں اور یہاں کے رہائشی اپنی عمارات خود تعمیر کرتے ہیں- جزیرے پر صرف ایک چھوٹا سا حصہ خالی چھوڑا گیا ہے جو صحن یا برآمدے کے طور پر استعمال کیا جاتا ہے-