کومل رضوی کی سیلفی پر شدید تنقید

پاکستان کی مشہور گلوکارہ کومل رضوی اپنی ایک سیلفی کی وجہ سے سوشل میڈیا پر تنازع کا شکار بوگئی ہیں اور ان کی اس سیلفی کو شدید تنقید کا نشانہ بنایا جارہا ہے- کومل رضوی نے مذکورہ سیلفی اس وقت کھینچی جب وہ عبدالستار ایدھی عیادت کے لیے اسپتال گئیں-

تنازعے کا شکار سیلفی گلوکارہ نے معروف سماجی کارکن عبدالستار ایدھی کی ساتھ کھینچی اور اسے اپنے فیس بک اکاؤنٹ پر پوسٹ کردیا-

کومل رضوی نے اتوار کے روز عبدالستار ایدھی کی عیادت کے لیے اسپتال گئیں وہاں انہوں نے عبدالستار ایدھی کی اہلیہ بلقیس ایدھی سے بھی ملاقات کی-

ملاقات کے دوران ہی کومل رضوی نے یہ سیلفی لی اور سوشل نیٹ ورکنگ کی ویب سائٹ پر شئیر کی اور ساتھ یہ پیغام بھی درج کیا کہ کہ وہ اللہ کا بے حد شکر ادا کرتی ہیں کہ ان کی پاکستان کے سب سے اہم انسان عبدالستار ایدھی سے ملاقات ہوپائی۔

تاہم کومل رضوی کو اپنی اس سیلفی پر شدید تنقید کا سامنا کرنا پڑ رہا ہے جبکہ دوسری جانب کچھ لوگ کومل رضوی کے حق میں بھی ہیں-

واضح رہے کہ کومل رضوی کے علاوہ بھی متعدد اداکاروں نے عبدالستار ایدھی کی عیادت کی ہے اور ان اداکاروں نے بھی اپنی تصاویر سوشل میڈیا پر شائع کی ہیں تاہم انہیں تنقید کا سامنا نہیں کرنا پڑا-

< Previous زلزلے کی صورت میں کیا احتیاطی تدابیر اختیار کرنی چاہئیں؟NEXT > پاکستانی فوج نے امریکی کوہ پیما کو بچا لیا