Hazrat Molana Shah Hakeem
Muhammad Akhtar Sahib Damat Barka-Tu-Hum Farmate Hain Ke Jo Koi In 5 Aamal Per
Amal Kerle Ga Woh ALLAH Ka Wali Ho Ker Mare Ga.Yeh 5 Aamal Poora Deen Tu Naheen,
Lekin In Per Amal Ker K Poore Deen Per Amal Kerna Asan Hojaye Ga.
Yeh Is Tarah Se Hai K Agar Koi Gaye(Cow) Utha Le Tu Us K Laye Bakra (Goat)
Uthana Asan Hojaye Ga.
Deen Ke Farz,Wajibat Aur Sunnat(Moaki-Da) Ada Kere Aur Yeh 5 Amal Kere.
1.Quran Ko Saheh Parhna. (For ALL)
Kisi Ache Qari Sahib Se Rozana Quran Perhna Seekhe Ga Tu 1-2 Months Main Quran
Ko Theek Tarah Se Parhne Lage Ga.
2. Aik Musht (Mut-Thi) Darhi Rakhna. (For Men Only)
Mut-Thi Apni Ho Hijam Yah Hijam K Bache Ki Na Ho. Aik Musht Se Zara Bhi Kam
Kerwana Haram Hai. Aur Monchhon Ko Bilkul Bareek Katwaya Kerle. Aik Mut-Thi
Darhi Rakhna Wajib Hai.
3. Takhnon(Knee) Se Ooper Shalwar Rakhna.(For Men Only)
Jo Libas Bhi Ooper Se Neeche Aata Ho (Shalwar,Pajama,Pent,Lungi,Dhoti,Jubba
Waghera) Us Ko Takhnon Se Ooper Rakhna Chahyee.Takhne Chhupana Haram Hai. Jo
Libas Neeche Se Ooper Ata Ho Us Se Takhne Chhupana Haram Naheen. Maslan, Moze
(Socks) Waghera Se.
Hadees Main Ata Hai Ke Izar(Ooper Se Ane Wala Libas) Se Takhnon Ka Jo Hissa
Chhupe Ga, Dozaq(Hell) Main Jaye Ga.
Takhne Chhupana Khare(Stand) Hue Aur Chalte(Walk) Hue Haram Hai. Bethe(Sit) Hue
Aur Lete Hue Haram Naheen.
Yeh Hukm Sirf Mardon (Men) Ke Laye Hai. Aorton (Women) Ko Takhne Chhupane Ka
Hukm Hai.
2. Shar-Iy Parda (For Women Only)
Khawateen Ko Tamam Na-Mehram Se Mukammal Parda Kerna Chahyee.Chehra Bhi Chhupana
Chahyee.
3.Shohar (Husband) K Huqooq Ka Khayal Rakhna (For Women Only)
Husband Ko Khush Rakhna Ibadat Hai Aur Us Ko Naraz Kerna Gunah Hai. Huzoor
SALLAH-U-Aleh-E-Wasallam Ka Irshad Hai Ke Jis Aurat Ki Mot (Death) Is Tarah Aye
K Us Ka Shohar Us Se Razi Ho Tu Woh Jannati Hai.
4. Nigahon Ki Hifazat Kerna (For All)
Quran Main ALLAH Ne Farmaya Hai Ke "Ae Nabi Aap Aeeman Walon Se Keh Den Ke Woh
Apni Nazron Ki Hifazat Keren".Yani Na-Mehram Larkion Aur Jin Larkon Ki Darhi
Moonchh Na Ayi Ho, Un Ko Na Dekhen". Nazar Ki Hifazat Itni Bari(Huge) Cheez Hai
K ALLAH Ne Aurton Ko Alag Hukm Dya Hai. Hadees Main Ata Hai K
* Aankhon Ka Zana Hai Bad-Nazri
* ALLAH La-Nat Bhejta Hai Bad-Nazri Kerne Wale Per Aur Jo Khud Ko Bad-Nazri K
Laye Pesh Kere.
Bad-Nazri Kerne Wale Ke 3 Bure(Bad) Laqab Hain.
1.ALLAH Aur Rasool Ka Na-Farman.
2.Aankhon Ka Zana-Kar
3.Mal-Oon (La-Nati)
Hadees Qudsi Main ALLAH Farmate Hain K "Nazar Bazi Iblees (Shetan) K Teeron Main
Se Aik Teer Hai Jo Zahir Main Bhujha Hua Hai. Aur Jis Ne Mere Khuf Se Is Ko Chor
Dya, Is K Badle Main,Us Ko Aesa Aeeman Doon Ga Jis Ki Mithas Ko Woh Apne Dil
Main Pa-Le Ga"
5. Dil Ki Hifazat Kerna (For All)
Nazar Ki Hifazat K Saath Dil Ki Hifazat Bhi Zaroori Hai.Yani Dil Main Na-Mihram
Haseenon K Khayalat Na Pakaye.Yeh Bhi Haram Hai.
ALLAH Farmate Hain K "ALLAH Tumhari Aankhon Ki Chorion Aur Dilon K Raaz Ko Khob
Janta Hai"
In Aamal Per Amal Kerne Ke Laye Tasbeehat.
1> 100 Times "La-Ilaha IllALLAH"
2> 100 Times "ALLAH ALLAH"
3> 100 Times Astaghfar
4> 100 Times Durood Shareef