آئرلینڈ کی ائیر لائن اپنے سستے ٹکٹس کی وجہ سے دنیا بھر
میں مشہور ہے لیکن اس کی مقبولیت کی ایک وجہ بکنگ میں تبدیلی کی صورت میں
ادا کیے جانے والے بھاری بھرکم اخراجات بھی ہیں- لیکن ایک نوجوان نے اپنا
نام تبدیل کر کے ائیرلائن کا یہ حربہ بری طرح ناکام بنا دیا-
|
|
ہوا کچھ یوں کہ 19 سالہ طالبعلم ایڈم اسٹرونگ کے والد نے غلطی سے اپنے بیٹے
کی ہوائی ٹکٹ فیس بک پر رکھے گئے نام ایڈم ویسٹ کے نام سے بک کروا دی- تاہم
جب ایڈم اسٹرونگ کو اس غلطی کا علم ہوا تو اس نے ائیر لائن سے اپنا نام
درست کرنے کی درخواست کی-
ائیر لائن کی جانب سے نوجوان کو آگاہ کیا گیا کہ نام کی تبدیلی کی صورت میں
اسے 337 ڈالر کی فیس ادا کرنا ہوگی-
ایڈم اسٹرونگ نے اس مسئلے کا حل یہ نکالا کہ ائیرلائن کو فیس ادا کرنے کے
بجائے سرکاری دفتر میں ہی اپنا نام تبدیل کر کے ایڈم ویسٹ کروا لیا اور
یہاں انہیں کوئی فیس بھی ادا نہیں کرنی پڑی- اس طرح ہوائی ٹکٹ بھی درست
ہوگیا-
|
|
ایڈم کے مطابق انہوں نے فیس بک پر اپنا یہ نام بیٹ مین کے کردار سے متاثر
ہوکر رکھا تھا لیکن ائیر لائن کی بدولت اب یہی ان کا مستقل نام بن گیا ہے- |