لیموں کا شربت کیوں پیا جائے؟ حیرت انگیز وجوہات

لیموں قدرت کا ایک انمول تحفہ ہے اور وٹامن سی سے بھرپور ہوتا ہے-لیموں میں وٹامن بی، کیلشیم، فاسفورس اور پوٹاشیم بھی مختلف مقدار میں پائے جاتے ہیں۔ بے شمار فوائد کے حامل لیموں کو جب پانی میں شامل کیا جاتا ہے تو اس کے فوائد میں مزید اضافہ ہوجاتا ہے- لیموں کے شربت یا رس جسے بعض اوقات لیموں پانی بھی کہا جاتا ہے کو ضرور ہمیں اپنی روزمرہ زندگی کا حصہ بنانا چاہیے-

Lemon Water For An Immune System Boost
لیموں وٹامن سی سے بھرپور ہوتا ہے اور یہ وٹامن جسمانی دباؤ کو کم کرتا ہے- یہی وجہ ہے کہ ماہرین دباؤ کی صورتحال میں وٹامن سی سے بنی سپلیمنٹ کے استعمال کا مشورہ دیتے ہیں- اس کے علاوہ یہ وٹامن انسان کے مدافعتی نظام کو بہتر اور مضبوط بنانے کی بھی صلاحیت رکھتا ہے-
 

Digestion
صبح سویرے نہار منہ پانی میں لیموں کا رس نچوڑ کر پینے سے انسان کا جسم تروتازہ ہوجاتا ہے- یہ جوس پورے دن کے لیے آپ کے نظامِ ہضم کو اپنے امور سرانجام دینے کے لیے مدد فراہم کرتا ہے- اگر آپ روزانہ صبح ایک گلاس لیموں کا شربت پینے کو اپنی عادت بنالیں تو آپ خود اپنے ہاضمے کے نظام کو بہتر ہوتا محسوس کریں گے-

For A Happy Liver
صبح سویرے ایک گلاس لیموں کا رس یا شربت پینے سے جسم اور خصوصاً جگر کو ایک نئی قدرتی توانائی حاصل ہوتی ہے- لیموں کا شربت معدے کی تیزابیت کے ختم کرنے کے حوالے سے بھی ایک مثبت کردار ادا کرتا ہے-

Eliminating Toxins
لیموں کا رس پینے کا ایک بڑا فائدہ یہ بھی ہے کہ یہ جسم میں موجود زہریلے مادوں کو باہر نکال دیتا ہے اور یوں انسان چست و توانا رہتا ہے-