ٹرین کے ناقابلِ فراموش سفر

اس میں کوئی شک نہیں کہ ٹرین کا سفر صبر آزما اور اضافی وقت کا متقاضی ہوتا ہے اور کبھی کبھی کسی حد تک یہ تکلیف دہ بھی ثابت ہوجاتا ہے- لیکن اگر اس سفر کے دوران آپ کو قدرت کے حسین ترین نظاروں کا موقع ملے تو یقیناً آپ دوبارہ بھی ٹرین سے ہی سفر کرنے کو ترجیح دیں گے- آج ہم آپ کو دنیا کے چند مختلف ممالک میں ٹرین کے ذریعے کیے جانے والے دلچسپ سفر کے بارے میں بتائیں گے- یہ سفر اپنے پرکشش اور خوبصورت نظاروں کے باعث ہمیشہ کے لیے ناقابلِ فراموش بن جاتے ہیں-
 

Rocky Mountaineer
اس ٹرین کے ذریعے کینیڈا کے قصبے Banff سے وقت وینکوور تک کا سفر کیا جاتا ہے جو کہ دو دن پر محیط ہوتا ہے- تاہم اس طویل سفر کے دوران کینیڈا کے خوبصورت پہاڑ آپ کو کسی صورت بور نہیں ہونے دیں گے-

The Ghan
آسٹریلیا میں ایڈیلیڈ سے ڈارون تک کے اس تین روزہ سفر میں آپ کو ایسے مقام کو بہت قریب سے دیکھنے کا موقع ملتا ہے جہاں بہت کم لوگ جاتے ہیں اور یہ انتہائی قدیم بھی ہیں-

The Grand Canyon Railway
امریکہ میں چلنے والی اس ٹرین کے سفر کے دوران ایسے ناقابلِ یقین نظارے کیے جاسکتے ہیں جو حیرت انگیز بھی ہوں اور سحر انگیز بھی - اس ٹریک پر چلنے والی تمام ٹرینیں قدیم ہیں-

Tranzalpine
اس ٹرین کے ذریعے نیوزی لینڈ کے علاقے Christchurch سے Greymouth تک کے سفر کے دوران آپ کو جنوبی جزیرے سے گزرنے کا موقع ملتا ہے- ساڑھے چار گھنٹے کے سفر میں آپ یہاں کی خوبصورت چوٹیوں کے حیرت انگیز نظاروں سے محظوظ ہوسکتے ہیں-

Douro Line
موسم بہار اور موسم گرما سیر و تفریح کے لیے پرتگال کا Douro River Valley ایک بہترین موقع ہوتا ہے-

Denali Star
امریکہ میں Anchorage سے Fairbanks تک سفر کے دوران الاسکا کے خوبصورت جنگلات دیکھنے کو ملتے ہیں-

Talyllyn Railway
ویلز میں چلنے والی اس ٹرین کا سفر انتہائی مختصر اور سست رفتار ہوتا ہے- یہ ٹرین کوئلے کی مدد سے چلائی جاتی ہے- صرف 23 کلومیٹر کے اس سفر میں یہ ٹرین خوبصورت Fathew Valley سے گزرتی ہے اور یہی وادی اس سفر کو یادگار بنا دیتی ہے-